會展25年 宴請250「老友記」

【明報專訊】灣仔會展中心成立25周年，管理中心嘅香港會議展覽中心有限公司，噚日與「惜食堂」合辦「會聚慶團圓 惜食展愛心」活動，設宴25席，招待250名「老友記」長者食團年飯。會展管理公司話，平時都有將未食用過嘅食物捐畀「惜食堂」，製成營養均衡嘅飯盒後，再透過慈善團體免費派畀長者。


長者噚日除咗有得食，仲有禮物利市及新年福袋收，裏面有會展中心同事編織嘅領巾及小禮物。義工隊仲與長者齊跳「快樂拍手舞」，鼓勵佢哋多做運動，促進身心健康。