法庭內准發短訊電郵

【明報專訊】法庭內唔准講電話大家都知，不過，隨住科技發展，Emily聽過唔少記者行家吐苦水，話無得喺法庭用短訊或電子郵件報料，好唔方便。不過，下星期二（2月4日）起，灣仔法院大樓開始提供Wi-Fi服務，到時，法庭使用者同公眾人士，可以喺唔騷擾法庭同其他人情况下，用法庭Wi-Fi發送文字模式通訊，例如短訊、電子郵件及網誌等。


灣仔法院先行 須用法庭Wi-Fi

其他法院大樓會分階段引入Wi-Fi，日期另行公布。不過，法院規定，用Wi-Fi唔可以傳聲音同埋傳影像，而且必須先切換至飛機模式或飛行模式，先至可以連接Wi-Fi，至於3G或4G網絡等一律唔准用。此外，法庭內仍然禁止影相、錄音或錄影、聽電話。仲有，主審法官或司法人員，可以隨時撤回使用文字模式通訊嘅准許。


法官司法人員可隨時撤回

若想知多啲，不妨去司法機構網頁http://www.judiciary.gov.hk。司法機構已發出新《實務指示》，相信可為你解開疑團。