張華峰生日願望有政改

【明報專訊】經民聯議員噚日中午同財政司長曾俊華派完政改單張後就齊齊同記者食晏，仲畀黨友、金融服務界議員張華峰（前排右）一個神秘小驚喜，原來張華峰聽日63歲生日，所以行會成員林健鋒（前排左）就叫齊大家食餐飯、切蛋糕慶祝。張華峰話願望係股票日日升、政改方案通過，但佢估計政改唔通過，股票最多只會跌3日喎！黨友石禮謙（後排左一）就讚賞張華峰真偉大，連生日願望都畀埋政改。


（何曉勤攝）