港鐵被怨變相加完又加

【明報專訊】舊年盈利高達156億元嘅港鐵，今年6月會再次加價，喺加價前，港鐵推「即日第二程車程九折」優惠，個計劃啱啱喺噚日結束，即係由今日起無論你搭幾多程港鐵，都暫時要畀全價，直至港鐵另行通知。唔少網民大鬧港鐵變相加價，連同6月再加價4.3%，等於「加完又加」，令交通費負擔大增。


社交網頁facebook群組「MTR Service Update」噚日亦更新咗港鐵車費計算器嘅資料，畀乘客查詢新車費，以助判斷係咪有需要購買月票。港鐵另一項「早晨折扣優惠」優惠期亦都會喺今個月31號完結。


港鐵：推優惠時已講明期限

港鐵發言人就話，喺舊年公布車費推廣計劃時，已經講明第二程九折優惠期去到4月30日，至於2015/16年度會唔會再推出第二程九折優惠，以及幾時再推出等，港鐵話家仲喺度研究緊，稍後先公布。按照慣例，港鐵會喺每年5月公布新車費加幅同優惠。