堪輿學家蔡伯勵 獲中大榮譽院士

【明報專訊】中文大學將會喺星期一舉行第14屆榮譽院士頒授典禮，堪輿學家和曆法家蔡伯勵（圖）都係榮譽院士之一。中大學生會會長王澄烽話，得悉有堪輿學家攞榮譽院士時都有啲驚訝，不過見蔡伯勵捐過錢畀中大，同中大都有啲關係，可能因為咁所以獲榮譽院士。王澄烽話，對蔡伯勵獲頒榮譽院士無咩特別意見，但佢透露有莊員話蔡伯勵本通勝好似唔多準。


多次捐款 成立獎學金

蔡伯勵係廣東「真步堂」天文曆算第三代傳人，編輯曆書及提供風水意見長達60餘年，佢每年編纂嘅《真步堂通勝》出版逾百萬冊，2013年仲獲得廣東省人民政府公布為省級非物質文化遺產，仲曾獲「世界傑出華人獎」及廣東省佛山市榮譽市民銜等。Emily睇到新聞稿最尾，發現原來蔡伯勵同中大都有淵源，佢多次慷慨捐資予中大同埋伍宜孫書院，仲成立多項獎助學金