「復2」上映阿里分杯羹

【明報專訊】迪士尼出品嘅一大力作「復仇者聯盟2」近期喺內地上畫，阿里巴巴亦分一杯羹，旗下嘅天貓商城聯合奧迪、Lego、伊利等40幾個獲迪士尼正版授權嘅品牌，獨家首發電影相關產品。「復2」粉絲可以通過淘寶電影或者天貓，買到電影主題嘅產品。


同系股價全線炒上

今次喺天貓發售嘅產品，大至汽車，細至生活用品、服裝鞋帽、珠寶首飾，甚至有掃地機器人等高科技新品，無一例外都會使用「復2」中嘅人物元素。阿里話呢種「互聯網＋電影」嘅營銷新模式首次使用喺進口影片，日後會繼續為電影業開放互聯網資源。且不論呢種新模式work唔work，總之電影開播後，阿里系股價已經全線炒上，其中阿里影業（1060）尋日再升13%，收報3.72元，就連毫不關事嘅阿里健康（0241）亦都升6.6%。


[小琴密語]