香港寬頻員工年假多5日

【明報專訊】相信每個打工仔都希望份工可以「人工高、福利好、有前途」，而且講到放假，真係從來唔會嫌多，當然冇薪假期就例外啦，所以前日政府突然話要跟隨祖國，建議將今年9月3日新增為一次性特別假期，係就係急咗啲，但有得放總好過冇得放嘛。


9月3日呢個抗戰勝利70周年假究竟有冇得放，目前仲要等立法會通過，不過香港寬頻（1310）噚日就話畀員工知，無論大家有冇得放9月3日都好，公司家都決定畀多5日年假，換句話說，由即日起，所有香港寬頻員工嘅12日年假都會新增為17日年假，而且呢5日並唔係一次性特別假期添。香港寬頻話，電訊行業一般都係得12日年假，佢地就希望可以打破業界傳統，為業界人員提供超越法定要求嘅福利。


[小琴密語]