自喻三文魚 洪丕正愛游逆水

【明報專訊】小琴呢幾日嚟到加拿大多倫多，食來食去都係漢堡包同薯條，所以當渣打大中華區CEO洪丕正（Ben）形容自己係一條三文魚，一樣咁有奮鬥精神時，小琴首個反應唔係感動，而係掛住香港嘅美食。話說洪丕正隨同貿發局大隊到多倫多去宣傳香港，阿Ben話晒係半個地頭蟲，因為佢80年代曾喺多倫多工作。演講一開始，佢仲即場講咗幾個80年代加拿大冰上曲棍球運動員的名字，幾句開場白就氹到班老外好開心。後來有人問佢點解選擇90年代回歸大中華市場，Ben諗咗一諗就話，「其實我係一條三文魚，總愛逆流而上」。佢回憶起90年代的中國，好多地方仍然係封閉，但喺佢眼中卻是充滿機遇，所以選擇回流。


家睇番轉頭，佢決定完全正確。Ben喺92年回港加入渣打，之後一直平步青雲，2008年做咗香港大班，舊年仲升格做大中華區CEO，佢呢種三文魚精神，小琴真係相當佩服。


email: piano@mingpao.com

[小琴密語]