馬時亨﹕政改過唔到 對市無影響

【明報專訊】特首同富豪成日都話如果政改今年過唔到，對股市會有好負面影響，不過，曾經豪言自己「炒股30年未輸過」嘅財經事務及庫務局前局長馬時亨（圖左）昨出席活動就話，覺得政改通唔通過對個市嘅影響唔會好大，仲話國家會繼續支持香港經濟，港股至少仲可以炒多6個月喎！

馬時亨話，政改過唔過到大家都心裏有數，因為就連政府都話過通過機渺茫，所以，就算最後政改真係過唔到，相信呢啲信息都很快會被消化，加上國家對香港一直係堅定支持，相信影響唔大。 昨日活動嘅主角「陸叔」陳永陸（圖右）亦講，如果不是遇到啲大嘅天災人禍，家嘅牛市仲有得玩到2017年