新聞類別
財經
詳情#
【明報專訊】梁特政府對香港嘅最大傷害，筆者講過N次，就係「破壞祖宗家法」。最近一個星期，又出現類似嘅事例：公務員無厘頭獲額外加薪0.5%。有得額外加人工，公務員同工會當然拍爛手掌，立法會班政治諧星為爭取18萬公務員選票，亦一定會舉腳贊成，最可憐係沉默嘅納稅人，無人出頭為佢哋發聲。
筆者絕對唔係眼紅公務員有得加人工，問題只係梁特政府無辦法說服我，為何不按原有機制，根據薪酬趨勢調查調整公務員薪酬？負責解畫嘅公務員事務局前日講到「一口泡」都解唔清楚，只能夠承認額外加薪不是一個「科學決定」。
坊間不少人猜測今次又同佔中有關，要喺佔中後振奮公務員士氣云云。筆者聽到就搲晒頭，皆因從未聽過公務員因為佔中士氣低落，只聽過公務員因為梁特亂搞無晒士氣！
為自己爭政治籌碼
不過咁，公務員體系之中，尤其係政務官級數人士，並非是「省油的燈」，不會因為那少少加薪就可以被收買到，佢哋的排外能力非常高，對於個別人緣甚差，可用「乞人憎」來形容的高官，班AO真係無面畀，據聞某低民望高官不能駕馭公僕之餘，連外面跟佢入政府做嘢嘅人，都受到牽連，被班公務員排斥到好無癮，呢類老細肯定跟唔過！
不按本子做事 變成「常態」
今次政府無厘頭加薪，令筆者想起當日無厘頭不發牌予港視，同樣都係理由欠奉，充滿「我係特首我話事」嘅人治色彩。梁特成日話，香港特首嘅權力高過其他地方嘅首長，佢呢幾年嘅作為，亦充份表現佢鍾意顯露權力嘅獨夫個性。
今次的「額外」加薪，到明年幾乎肯定變成「常態」，原有的薪酬趨勢調查機制，淪為政府與工會討價還價過程的政治籌碼。
但筆者覺得這還是其次，更重要是社會慢慢接受政府毋須再按本子辦事，接受政治便利凌駕於規章制度，則香港人成日掛在口邊的「優良制度」傳統，可以休矣！
講開又講，何解今次梁特要收買公僕？大家心照啦。2012年七一前，梁特未正式上任，政府咪有個「候任辦公室」，當時被公務員笑稱係「地獄辦」，有幾個地獄要員，其實一直都在運作，移師至「港人講地」網站繼續為梁特造勢，鋪路連任。
近日有兩件事，觸動到呢班支持者嘅神經。第一，大孖沙兼政協常委吳光正，在報章撰文話市民要否決「689餐」﹗好大膽的用字，驟眼睇落去，簡直係「踢走689」嘅朋友，加上佢一直被視為自由黨嘅大水喉，跟田大少用「不想689連任」去推銷政改一樣同出一轍。但睇番「港人講地」關於吳光正嘅報道，隻字不提「689餐」。
各路大孖沙出招 有人寢食難安
第二，係另一大孖沙旗下電視台，日前訪問咗100個選委，如果政改方案通過，佢哋會畀邊個候選人出閘，五人包括：梁振英、梁錦松、葉劉、馮檢基、梁家傑，結果只有梁錦松取得過半數出閘。報道出街無幾耐，「港人講地」口誅筆伐，刊登低水平文章批評那段新聞不科學，無根據云云。筆者倒覺得隻故仔非常有趣，展示了選委在自由意志、可投暗票下嘅真正選擇。
政改呢場戲，從來都沒有泛民的份兒，當大家以為焦點係泛民會否轉軚支持方案之時，背後各路大孖沙，以及曾鈺成、唐英年等建制派要員，已上演連場暗戰，目標都非常一致，難怪有人寢食難安。
[應正亮 廿四味]
筆者絕對唔係眼紅公務員有得加人工，問題只係梁特政府無辦法說服我，為何不按原有機制，根據薪酬趨勢調查調整公務員薪酬？負責解畫嘅公務員事務局前日講到「一口泡」都解唔清楚，只能夠承認額外加薪不是一個「科學決定」。
坊間不少人猜測今次又同佔中有關，要喺佔中後振奮公務員士氣云云。筆者聽到就搲晒頭，皆因從未聽過公務員因為佔中士氣低落，只聽過公務員因為梁特亂搞無晒士氣！
為自己爭政治籌碼
不過咁，公務員體系之中，尤其係政務官級數人士，並非是「省油的燈」，不會因為那少少加薪就可以被收買到，佢哋的排外能力非常高，對於個別人緣甚差，可用「乞人憎」來形容的高官，班AO真係無面畀，據聞某低民望高官不能駕馭公僕之餘，連外面跟佢入政府做嘢嘅人，都受到牽連，被班公務員排斥到好無癮，呢類老細肯定跟唔過！
不按本子做事 變成「常態」
今次政府無厘頭加薪，令筆者想起當日無厘頭不發牌予港視，同樣都係理由欠奉，充滿「我係特首我話事」嘅人治色彩。梁特成日話，香港特首嘅權力高過其他地方嘅首長，佢呢幾年嘅作為，亦充份表現佢鍾意顯露權力嘅獨夫個性。
今次的「額外」加薪，到明年幾乎肯定變成「常態」，原有的薪酬趨勢調查機制，淪為政府與工會討價還價過程的政治籌碼。
但筆者覺得這還是其次，更重要是社會慢慢接受政府毋須再按本子辦事，接受政治便利凌駕於規章制度，則香港人成日掛在口邊的「優良制度」傳統，可以休矣！
講開又講，何解今次梁特要收買公僕？大家心照啦。2012年七一前，梁特未正式上任，政府咪有個「候任辦公室」，當時被公務員笑稱係「地獄辦」，有幾個地獄要員，其實一直都在運作，移師至「港人講地」網站繼續為梁特造勢，鋪路連任。
近日有兩件事，觸動到呢班支持者嘅神經。第一，大孖沙兼政協常委吳光正，在報章撰文話市民要否決「689餐」﹗好大膽的用字，驟眼睇落去，簡直係「踢走689」嘅朋友，加上佢一直被視為自由黨嘅大水喉，跟田大少用「不想689連任」去推銷政改一樣同出一轍。但睇番「港人講地」關於吳光正嘅報道，隻字不提「689餐」。
各路大孖沙出招 有人寢食難安
第二，係另一大孖沙旗下電視台，日前訪問咗100個選委，如果政改方案通過，佢哋會畀邊個候選人出閘，五人包括：梁振英、梁錦松、葉劉、馮檢基、梁家傑，結果只有梁錦松取得過半數出閘。報道出街無幾耐，「港人講地」口誅筆伐，刊登低水平文章批評那段新聞不科學，無根據云云。筆者倒覺得隻故仔非常有趣，展示了選委在自由意志、可投暗票下嘅真正選擇。
政改呢場戲，從來都沒有泛民的份兒，當大家以為焦點係泛民會否轉軚支持方案之時，背後各路大孖沙，以及曾鈺成、唐英年等建制派要員，已上演連場暗戰，目標都非常一致，難怪有人寢食難安。
[應正亮 廿四味]
回應 (0)
