新聞類別
財經
詳情#
【明報專訊】昨日真係緊張刺激，睇完勇士挫騎士奪NBA總冠軍，就睇吓立法會會否有泛民願意做死士，支持政改通過；政府內有老友感慨道，唯一幻想，係睇吓有無泛民會含住眼淚，說為了不讓689連任，忍痛投下支持票。明顯地，呢個唔只係幻想，直情係妄想。筆者奉勸大家唔好再撐傘，因為有人為了做「勁草」，只會繼續製造更大的「疾風」，再撐傘只會被吹到面目全非。
香港紛紛擾擾之時，國務院日前發表了具指導思想的意見書，長達8000字，表明要大力推進「大眾創業」、「萬眾創新」，呢個要全民創新嘅概念好潮，比起港府成立乜乜創科局嘅舊思維，超前得多，香港顯得太離地了。
中央表明大力推進「萬眾創新」
中央話要有新措施，催生社會發展新動力，第一個意見就是要「消除不利於創業創新發展的各種制度束縛和桎梏」，支持各類市場主體不斷開辦新企業、新產品，形成小企業「鋪天蓋地」，大企業「頂天立地」的發展格局。相反，港府卻要成立一個如「制度束縛」的創新科技局，有業界透露，坐定粒六做局長的楊偉雄，早前以顧問身分接見業界人士，專搵親梁、親政府的人去見，咁樣又點會催谷創意呢？唔好畀筆者估中，創科局最後只會淪為「圍威畏」的分餅仔集團。
其次，中央強調「萬眾創新」係擴大就業的根本，政府要轉變職能，建設服務型社會，營造公平創業環境，使有能力的科技人員、高校畢業生、農民工等創業主體「如魚得水」，鼓勵創業，增加收入，促進收入分配結構調整。呢個改變經濟結構的目標非常明確，而表明政府係「服務人民」嘅定調，同香港想「管治人民」嘅長官思維恰好相反。
「意見」非吹水 支持措施具體
綜觀成份「意見」並非吹水，當中還包括稅務優惠、政府採購支持、支持創業企業融資等措施，單單一份政策措施意見，已比創新科技局的特區政府文件到位、具體！筆者覺得很可惜，國務院的發放對象，只有各省、自治區、直轄市人民政府、國務院各部委等，卻沒有「特別行政區」，當然，如果有的話，肯定會被批評破壞一國兩制，但推動創新呢方面，筆者建議香港可以緊貼中央。
各地官員開明 搞創新科技定勝港
就快87歲嘅誠哥，近年大力發掘全球新創企業，今年年初仲吹起一股以色列風，有創投朋友話，內地愈來愈多私募基金往以色列尋寶。而香港嘅梁特，都只係識去美加，參觀完MIT媒體實驗室就興奮莫名；有內地朋友好有信心咁話，家各地年輕官員，視野好闊，思想開明，加上無立法會拉布，要搞創新科技，一定會有效率過香港，到時有千千萬萬個小馬雲，根本不會理你香港有無普選。筆者聽完，除了唉，還是唉！
[應正亮 廿四味]
香港紛紛擾擾之時，國務院日前發表了具指導思想的意見書，長達8000字，表明要大力推進「大眾創業」、「萬眾創新」，呢個要全民創新嘅概念好潮，比起港府成立乜乜創科局嘅舊思維，超前得多，香港顯得太離地了。
中央表明大力推進「萬眾創新」
中央話要有新措施，催生社會發展新動力，第一個意見就是要「消除不利於創業創新發展的各種制度束縛和桎梏」，支持各類市場主體不斷開辦新企業、新產品，形成小企業「鋪天蓋地」，大企業「頂天立地」的發展格局。相反，港府卻要成立一個如「制度束縛」的創新科技局，有業界透露，坐定粒六做局長的楊偉雄，早前以顧問身分接見業界人士，專搵親梁、親政府的人去見，咁樣又點會催谷創意呢？唔好畀筆者估中，創科局最後只會淪為「圍威畏」的分餅仔集團。
其次，中央強調「萬眾創新」係擴大就業的根本，政府要轉變職能，建設服務型社會，營造公平創業環境，使有能力的科技人員、高校畢業生、農民工等創業主體「如魚得水」，鼓勵創業，增加收入，促進收入分配結構調整。呢個改變經濟結構的目標非常明確，而表明政府係「服務人民」嘅定調，同香港想「管治人民」嘅長官思維恰好相反。
「意見」非吹水 支持措施具體
綜觀成份「意見」並非吹水，當中還包括稅務優惠、政府採購支持、支持創業企業融資等措施，單單一份政策措施意見，已比創新科技局的特區政府文件到位、具體！筆者覺得很可惜，國務院的發放對象，只有各省、自治區、直轄市人民政府、國務院各部委等，卻沒有「特別行政區」，當然，如果有的話，肯定會被批評破壞一國兩制，但推動創新呢方面，筆者建議香港可以緊貼中央。
各地官員開明 搞創新科技定勝港
就快87歲嘅誠哥，近年大力發掘全球新創企業，今年年初仲吹起一股以色列風，有創投朋友話，內地愈來愈多私募基金往以色列尋寶。而香港嘅梁特，都只係識去美加，參觀完MIT媒體實驗室就興奮莫名；有內地朋友好有信心咁話，家各地年輕官員，視野好闊，思想開明，加上無立法會拉布，要搞創新科技，一定會有效率過香港，到時有千千萬萬個小馬雲，根本不會理你香港有無普選。筆者聽完，除了唉，還是唉！
[應正亮 廿四味]
回應 (0)
