新聞類別
財經
詳情#
【明報專訊】阿里巴巴主席馬雲先前透過娛樂寶同香港嘅電視廣播（TVB•0511）合作，轉眼間同系嘅阿里影業（1060）已經攻入荷里活，就係同美國Paramount Pictures（標誌係睇戲成日喺片頭見到嗰座雪山）簽約，投資落阿里首部荷李活電影《職業特工隊：叛逆帝國》，即係飛天遁地嘅歷任主角「靚湯」湯告魯斯，到今日都要聽馬雲枝笛。
今次阿里做投資之外，仲會負責幫手喺中國區域宣傳套戲，實牙實齒話今次投資係公司國際化嘅開端，未來會搵多啲國際影業公司合作。除咗投資之外，阿里影業仲會包辦呢套戲嘅票務，用同系嘅淘寶電影、支付寶錢包賣戲飛，亦會喺天貓、淘寶網等販賣Paramount授權嘅衍生產品。不過股民似乎唔係好BUY，所以就算消息喺尋日收市前公布，全日都只係升0.6%。
不過之前娛樂寶宣布同無綫合作，話要迎合內地觀眾口味已經夠晒迴響，第日恐怕睇親嘅荷里活片有一半講普通話，已經唔值得驚訝，尤其Paramount已經有前科，例如舊年上映嘅《變形金剛4》，亦曾經因為hard sell中國而係咁畀人踩。
email: piano@mingpao.com
[小琴密語]
今次阿里做投資之外，仲會負責幫手喺中國區域宣傳套戲，實牙實齒話今次投資係公司國際化嘅開端，未來會搵多啲國際影業公司合作。除咗投資之外，阿里影業仲會包辦呢套戲嘅票務，用同系嘅淘寶電影、支付寶錢包賣戲飛，亦會喺天貓、淘寶網等販賣Paramount授權嘅衍生產品。不過股民似乎唔係好BUY，所以就算消息喺尋日收市前公布，全日都只係升0.6%。
不過之前娛樂寶宣布同無綫合作，話要迎合內地觀眾口味已經夠晒迴響，第日恐怕睇親嘅荷里活片有一半講普通話，已經唔值得驚訝，尤其Paramount已經有前科，例如舊年上映嘅《變形金剛4》，亦曾經因為hard sell中國而係咁畀人踩。
email: piano@mingpao.com
[小琴密語]
回應 (0)
