搵霆鋒合唱新歌？ 陳奕迅：佢做緊《12道燶味》

【明報專訊】陳奕迅（Eason）日前為新碟舉行《準備中搶先聽歌會》，與樂迷率先分享10首作品。聽完新歌後設有發問環節，被問何時推出英文碟？Eason笑言：「每次問我這條問題都是中國人，出英文碟都係畀番中國人聽。」有歌迷關心他每次做碟會否受制於商業因素？他說：「有時都怕某些歌太high，原本的支持者未必接受新嘗試，但我個人比較闊佬，相信錢可以搵得番嘅！公司從來無限制過我做的音樂。」謝霆鋒為他作曲的《起點•終站》，歌迷想知他們會否有合唱版？Eason搞笑道：「霆鋒仲做緊《12道燶味》，仲燶緊呀！不過我都會問吓佢同佢傾吓。」


娛樂組