新聞類別
副刊
詳情#
【明報專訊】仲有一個星期就係升中放榜大日子，各家長都在網上交流叩門備戰心得，氣氛如箭在弦。隨住今年適齡學童減少，多區中學校長已表明不接受同區叩門生；加上縮班令叩門位減少，難怪個個家長都零舍緊張。點樣可以增加子女通過叩門面試的機會？Happy Mama同風采中學校長何漢權傾過，佢教路當日家長要注意「三大禁忌」。
首先，忌禍從口出。對一個小六生來說，派唔到心儀中學已經好大壓力，如果家長無善加安慰不特止，仲加多句「你派到咁差㗎！」，只會平白增加子女壓力。試問佢哋仲邊有可能專心考好叩門試？何校長亦提醒家長，呢啲說話只會令學生以為派到次等學校，對學校產生不良觀感，咁會對佢哋日後學習生活有影響。
第二忌就係咩都幫仔女做晒。好多家長好緊張升學問題，自己上網做晒功課，揀好晒放榜日叩邊幾間，甚至計劃好路線。但何校長表示，如果家長完全無畀仔女參與叩門過程，佢分分鐘連自己考邊間、學校有咩特色都唔知。面試時學校一問﹕「你對本校有咩認識？點解你想叩我哋學校門？」一定露餡。何校長坦言有學生叩門面試時，連校長姓甚名誰都唔知。咁無準備，叩門機會一定大打折扣啦。
最後一忌就是單刀赴會。何校長表示，雖然唔係間間中學都要求家長參與面試，但都會觀察學生由乜人陪同到學校叩門。父母雙方都願意陪子女到校面試，除了顯示出入學誠意外，亦會令學校認為呢個家庭願意配合學校的家校合作，印象分自然大增。
糾纏不清 不如放眼適應新環境
佢又補充，其實每間學校都有優點，建議父母以平常心面對﹕「派位結果只係仔女成長嘅其中一頁。一個小六生要喺暑假適應全新嘅學習環境、學習模式同課程，其實唔易。所以家長要向前看，與其放咗榜仲日思夜想入唔入到某間學校，甚至8月仲打去學校問學位情况，倒不如花多啲時間幫仔女渡過升中適應呢個關口。」
首先，忌禍從口出。對一個小六生來說，派唔到心儀中學已經好大壓力，如果家長無善加安慰不特止，仲加多句「你派到咁差㗎！」，只會平白增加子女壓力。試問佢哋仲邊有可能專心考好叩門試？何校長亦提醒家長，呢啲說話只會令學生以為派到次等學校，對學校產生不良觀感，咁會對佢哋日後學習生活有影響。
第二忌就係咩都幫仔女做晒。好多家長好緊張升學問題，自己上網做晒功課，揀好晒放榜日叩邊幾間，甚至計劃好路線。但何校長表示，如果家長完全無畀仔女參與叩門過程，佢分分鐘連自己考邊間、學校有咩特色都唔知。面試時學校一問﹕「你對本校有咩認識？點解你想叩我哋學校門？」一定露餡。何校長坦言有學生叩門面試時，連校長姓甚名誰都唔知。咁無準備，叩門機會一定大打折扣啦。
最後一忌就是單刀赴會。何校長表示，雖然唔係間間中學都要求家長參與面試，但都會觀察學生由乜人陪同到學校叩門。父母雙方都願意陪子女到校面試，除了顯示出入學誠意外，亦會令學校認為呢個家庭願意配合學校的家校合作，印象分自然大增。
糾纏不清 不如放眼適應新環境
佢又補充，其實每間學校都有優點，建議父母以平常心面對﹕「派位結果只係仔女成長嘅其中一頁。一個小六生要喺暑假適應全新嘅學習環境、學習模式同課程，其實唔易。所以家長要向前看，與其放咗榜仲日思夜想入唔入到某間學校，甚至8月仲打去學校問學位情况，倒不如花多啲時間幫仔女渡過升中適應呢個關口。」
回應 (0)
