打風停會 田少：回家弄孫

【明報專訊】噚日因為打風，所以立法會大會要提早喺下午3點左右暫停會議，議員拎齊嘢準備離開，不過自由黨田北俊似乎唔知道大家已經散水，喺宣布暫停會議十幾分鐘後仲走入會議廳。田少無幾耐行番出嚟，仲同記者講係返嚟開會。佢知道打風後，先話可以返去同啲孫玩。


立法會主席曾鈺成話，如果今早7點正或之前8號風球已取消，立法會大會就可以照原定時間喺9點復會；若果7點後至9點前取消8號風球，個會就要11點先恢復；如果早上9點仲未「落波」，個會就要到下星期一上午9點先恢復。


不過，即使大會開唔成，仲有財委會要開。因為今日財委會有3節會議，只要8號風球喺下午5點10分或之前先取消，議員就要喺夜晚7點10分返去立法會開會。