短褲田少有嫌疑？

【明報專訊】財委會連日開會審議民生議程同創科局，相信唔少議員被迫坐喺議會內都有啲無奈，不過一向「自由」嘅自由黨田北俊就「話之你」，無出席財委會之餘，更加一早飛咗去夏威夷度假，佢噚日一貫風騷，喺facebook 上載著短褲去餐廳食排骨（ribs）嘅相，仲提起當日建制WhatsApp泄密，「短褲」議員被指係漏料人，田少就話「傳聞話有隻泄密鬼鍾意著短褲，咁相中著住短褲食Spare ribs嘅我咪好可疑？哈哈哈」。


曾經喺立法會著短褲、被指係泄密者嘅獨立議員謝偉俊，噚日到立法會開財委會繼續著短褲現身，又笑指自己「勝在多腳毛」。


（田北俊facebook）