文化中心外牆搞夏日3D光雕匯演

【明報專訊】旅發局喺尖沙嘴文化中心有新搞作，用文化中心外牆搞「閃躍維港」3D光雕匯演，今期嘅匯演展現香港夏日多姿多采嘅活力，用色彩奪目嘅多媒體影像帶出今年「香港FUN享夏日禮」大型推廣活動中「大買•愛吃•玩不停」嘅主題。匯演由噚日去到8月2號舉行，播放時間係晚上8:30、9:00、9:30同10:00，每節約8分鐘。


出席噚晚開幕禮嘅財政司長曾俊華話，今年嘅「香港FUN享夏日禮」規模係近年來最盛大，提供大量旅客優惠，相信可以吸引更加多過夜旅客喺夏季訪港，刺激本地消費。


（鄧宗弘攝）