新聞類別
副刊
詳情#
【明報專訊】吳克儉呢輪「唔聲唔聲，嚇你一驚」，除了迅速回應教協TSA的調查外，跟住整單「中中上車，英中不落車」，而且一整就6年。唉，6年你都唔知去咗邊喇！分明是卸膊，將個波交畀下一手，不論下任特首是誰，小婦人唔信吳局長仲可以在教育局Simon Fan。講句公道話，香港教育這個亂局不能全入吳克儉數，每一任教育頭頭都有好嘢，有壞嘢，接任的人有責任保護累積下來的好政策，剔除壞政策。吳克儉最「吞扑」，不論好壞，雪藏佢，放佢入Freezer 6年，呢啲係乜嘢官嚟㗎？官有幾種﹕一種是有心有力，一種是有心無力，還有一種是無心無力。羅范椒芬雖有好多牙齒痕，王師奶敬重她是有心有力的好官，只是急於求成，想在一夜之間把羅馬建成，但她對教育的「心」不容抹殺。吳克儉小事唔想理，大事唔識理，兩年多來，你能舉出一件擺得上枱的「壯舉」否？看官們，你話佢屬於邊種官吖？「英中不落車」後，教育界好多人懷念孫明揚，認為他雖是老油條些，但他和業界確是有商有量，諮詢工夫做足，落槌的政策雖不能令全部人滿意，但反應仍是平和。
英中6年不落車 理據何來？
吳克儉最近講咗兩次大話，第一次是話大部分教師歡迎TSA，「擘大眼瀨尿」莫過於此。教協訪問了1916位教師和139位課程主任，有數有據，點出了TSA被扭曲的真相。雖然吳克儉說「中中上車，英中不落車」的決定是學界支持和專業決定，全教育界都知這決定既不合理亦不公平，睇吓中中校長會、教育評議會，以至前語常會主席田北辰的反應就知這決定有幾專業喇。如果你問英中議會，事關會員利益，唔使落車，已經笑到見牙唔見眼，仲要6年之久，唔笑甩下巴至奇。咁叫公平，早抖喇！睇吓中中校長會義務總幹事黃謂儒的公開信就知這決定幾唔合理。田北辰講得好﹕「今日的局長，改個名包裝都費事，直頭赤裸裸咁取消教學語言政策，唔敢得罪人，任得學校掛羊頭賣狗肉。」
也許吳克儉計錯數，英中收唔足達標學生都唔使落車梗係Happy喇，中中收夠達標學生又可上車升「呢」，一定皆大歡喜，不會反對，諮詢都多餘喇，於是匆忙召集學校議會開會，由局長豪氣干雲地宣布唔使落車的大頭佛出世了。古希臘悲劇作家歐底庇斯有名言，意譯為「上帝要你滅亡，必先讓你瘋狂。」吳克儉這6年的不落車措施，真是迹近瘋狂，請說出雪藏6年的理據。
教學語言自決 還學校自由
王師奶好少贊成教評會的教育觀點，但今日聽到該會副主席何漢權的電台訪問，提到教學語言自決，還學校學生自由，與王師奶「英雌所見略同」。久旱甘露，壯哉斯言，何副主席，小婦人與您浮一大白。
作者簡介﹕不是普通師奶，家中米缸有幾多斤唔知，但對香港教育界有幾多牛鬼蛇神，有幾多「嗚喱單刀」措施，卻一清二楚。「論盡教育」絕不手軟
文﹕王師奶
英中6年不落車 理據何來？
吳克儉最近講咗兩次大話，第一次是話大部分教師歡迎TSA，「擘大眼瀨尿」莫過於此。教協訪問了1916位教師和139位課程主任，有數有據，點出了TSA被扭曲的真相。雖然吳克儉說「中中上車，英中不落車」的決定是學界支持和專業決定，全教育界都知這決定既不合理亦不公平，睇吓中中校長會、教育評議會，以至前語常會主席田北辰的反應就知這決定有幾專業喇。如果你問英中議會，事關會員利益，唔使落車，已經笑到見牙唔見眼，仲要6年之久，唔笑甩下巴至奇。咁叫公平，早抖喇！睇吓中中校長會義務總幹事黃謂儒的公開信就知這決定幾唔合理。田北辰講得好﹕「今日的局長，改個名包裝都費事，直頭赤裸裸咁取消教學語言政策，唔敢得罪人，任得學校掛羊頭賣狗肉。」
也許吳克儉計錯數，英中收唔足達標學生都唔使落車梗係Happy喇，中中收夠達標學生又可上車升「呢」，一定皆大歡喜，不會反對，諮詢都多餘喇，於是匆忙召集學校議會開會，由局長豪氣干雲地宣布唔使落車的大頭佛出世了。古希臘悲劇作家歐底庇斯有名言，意譯為「上帝要你滅亡，必先讓你瘋狂。」吳克儉這6年的不落車措施，真是迹近瘋狂，請說出雪藏6年的理據。
教學語言自決 還學校自由
王師奶好少贊成教評會的教育觀點，但今日聽到該會副主席何漢權的電台訪問，提到教學語言自決，還學校學生自由，與王師奶「英雌所見略同」。久旱甘露，壯哉斯言，何副主席，小婦人與您浮一大白。
作者簡介﹕不是普通師奶，家中米缸有幾多斤唔知，但對香港教育界有幾多牛鬼蛇神，有幾多「嗚喱單刀」措施，卻一清二楚。「論盡教育」絕不手軟
文﹕王師奶
回應 (0)
