優衣庫速關京東旗艦店

【明報專訊】最近成為網絡熱門搜索對象嘅Uniqlo（優衣庫），母公司日本迅銷（6288）已證實，佢哋響京東嘅網上旗艦店已經響星期一關門大吉。呢間網上旗艦店只不過響今年4月先至開業，而作為第一間使用京東倉儲系統嘅國際服裝品牌，當時京東真係好鬼重視呢單合作，專登為Uniqlo響上海設咗個過千呎嘅專屬貨倉，仲計劃將合作範圍推至全國，但勢估唔到3個月就玩完。


Uniqlo冇講到間網店開業3個月嘅業績，只係話透過同京東呢次合作，發現仲有好多需要進一步探討同完善嘅事宜，所以響京東同意後決定關店。而京東發言人就話，Uniqlo旗艦店響營業第一個月，銷量就已經超過目標。


話時話，大家覺得Uniqlo響京東撤退，會唔會係因為啲客仔都走晒去北京三里屯，公司索性將重點資源投放響果度呢？

email: piano@mingpao.com

[小琴密語]