新聞類別
副刊
詳情#
【明報專訊】大學聯招昨日（8月10日）放榜，獲得取錄資格的申請人，需於今日（8月11日）下午5時前繳交留位費作實。有好offer喺手，當然全家上下都咁興奮啦，無着落嘅就要煩如何重新部署升學計劃；最難搞就係有offer、但唔係自己最想讀嗰科，都唔知應唔應該交留位費好。喺呢個人生交叉點，家長應該點樣陪子女共同面對呢？
一起蒐集資訊 忌心急下升學決定
Happy Mama與學友社學生輔導中心副總幹事吳寶城傾過。佢提醒家長，放榜結果未如理想的考生，喺呢個時候情緒都好敏感，切記唔好刺激佢哋﹕「例如好多院校的副學位課程及自資學士學位，會在聯招放榜後開始第三輪招生，愈早報名，獲心儀課程取錄的機會愈高。但雖說要同時間競賽，始終升學決定不宜草率，家長不宜心急，勉強子女在很短時間內做決定，加重佢哋嘅壓力。」
佢認為家長可以同子女一齊蒐集升學出路資訊，在資訊充足、全面的情况下傾談﹕「家長如果講類似『你唔讀某啲科目或者院校就無前途喇』的說話，都會對子女情緒造成困擾㗎。」
興趣先行 勿抱「讀住先」心態
聯招完全無offer，都仲話疊埋心水轉攻其他升學出路，最難搞就係有offer，但不幸唔係心儀學科。部分家長可能抱住「讀住先」的心態，「或者讀讀下有興趣呢，再唔係咪一年後轉系囉」。但吳寶城認為，學習應以興趣行先，尤其高等院校的課程着重思考同理解，唔再係讀中學時咁，再無興趣的科目都可以靠死記硬背過關。所以佢唔建議抱住「入咗去先算啦」嘅心態，只會白白浪費幾年時光，轉系更唔係想像中咁易﹕「以政府資助學位來講，一般要學生成績好出眾先有可能轉系。但試想想，如果對個學系無興趣，又點會讀得好呢？」
咪以為聯招放榜只關應屆考生事呀，吳寶城教路，就算子女日後先應考，家長都可以好好利用報道，同子女交流對升學的看法﹕「今日各大報章，應該都會報道公開試狀元最終選擇入讀邊個學系，亦會訪問佢哋點解有呢個決定、將來升學就業部署等。父母可以當係一個參考，同子女討論將來嘅升學部署。」
一起蒐集資訊 忌心急下升學決定
Happy Mama與學友社學生輔導中心副總幹事吳寶城傾過。佢提醒家長，放榜結果未如理想的考生，喺呢個時候情緒都好敏感，切記唔好刺激佢哋﹕「例如好多院校的副學位課程及自資學士學位，會在聯招放榜後開始第三輪招生，愈早報名，獲心儀課程取錄的機會愈高。但雖說要同時間競賽，始終升學決定不宜草率，家長不宜心急，勉強子女在很短時間內做決定，加重佢哋嘅壓力。」
佢認為家長可以同子女一齊蒐集升學出路資訊，在資訊充足、全面的情况下傾談﹕「家長如果講類似『你唔讀某啲科目或者院校就無前途喇』的說話，都會對子女情緒造成困擾㗎。」
興趣先行 勿抱「讀住先」心態
聯招完全無offer，都仲話疊埋心水轉攻其他升學出路，最難搞就係有offer，但不幸唔係心儀學科。部分家長可能抱住「讀住先」的心態，「或者讀讀下有興趣呢，再唔係咪一年後轉系囉」。但吳寶城認為，學習應以興趣行先，尤其高等院校的課程着重思考同理解，唔再係讀中學時咁，再無興趣的科目都可以靠死記硬背過關。所以佢唔建議抱住「入咗去先算啦」嘅心態，只會白白浪費幾年時光，轉系更唔係想像中咁易﹕「以政府資助學位來講，一般要學生成績好出眾先有可能轉系。但試想想，如果對個學系無興趣，又點會讀得好呢？」
咪以為聯招放榜只關應屆考生事呀，吳寶城教路，就算子女日後先應考，家長都可以好好利用報道，同子女交流對升學的看法﹕「今日各大報章，應該都會報道公開試狀元最終選擇入讀邊個學系，亦會訪問佢哋點解有呢個決定、將來升學就業部署等。父母可以當係一個參考，同子女討論將來嘅升學部署。」
回應 (0)
