高登「匯控」真的賣盤

【明報專訊】匯控賣盤？講緊嘅係「高登名股」匯隆控股（8021），聯交所資料顯示，私募基金新光同細價股投資者任德章合作，斥資近4億元入股。點解佢喺高登咁出名？咪就係因為佢同匯豐控股（0005）個名只差一字，經常畀巴打拎嚟開玩笑。


新光任德章合資4億入股

只要有上過高登財經台，都會發現經常出現「匯控傳賣盤」呢啲標題，但其實嗰個「匯控」係指匯隆控股。話唔定今次佢畀人睇中入股，都係受高登帶挈，真係要講番句：「多謝高登先！」


講番單刁，新光投信同任德章合營公司，用每股0.069元認購成57億股新股，新股東陣容，新光投信成員仲包括城規會非官方成員簡兆麟、加埋有超低調嘅細價股投資者任德章，都算幾齊整。不過，新股東入嚟例必改下公司名，小琴就唔係咁想啦。


email: piano@mingpao.com

[小琴密語]