何秀蘭藥物敏感瞓醫院

【明報專訊】工黨立法會議員何秀蘭（阿Cyd）噚日喺facebook透露自己已經瞓咗7日醫院，原來佢做完個小手術後，因為藥物嚴重過敏，令到全身猶如一級至二級程度炙傷，好在做咗切片檢驗後，證實唔係最嚴重嘅藥物敏感，家已經停晒藥，靠身體慢慢復元，佢估計未來一星期都要留院。


阿Cyd話剛開始時皮膚嘅藥物過敏情况好似會游走咁，後來面積愈來愈大，不過就唔痛，醫生話過敏成咁都罕見。咁究竟阿Cyd用咗啲咩藥物呢？佢話只係之前小手術嘅麻醉藥，同埋手術後嘅消炎藥，但醫生暫時未搵到致敏原喺邊隻藥物度。


阿Cyd嘅藥物敏感慢慢康復，但佢估計仲要住多一個星期，而且出院後一段時間都唔曬得太陽，因為會有疤痕。Emily喺度祝阿Cyd早日康復。