新聞類別
副刊
詳情#
【明報專訊】新上任嘅民政事務局長劉江華噚日落區去深水埗參觀社會企業,之後仲同民協立法會議員馮檢基(阿基)及民協年輕成員一齊食飯。Emily聽聞一班後生仔好積極同劉江華討論政策,仲好唔客氣咁表明「我都唔信你(劉江華)」,因為覺得劉江華有民建聯背景,席間更有後生仔直呼劉江華做「垃圾桶」。劉江華聞言有無黑面?席間人透露佢無黑面、亦無笑容,但就好認真同年輕人討論政府問題。
阿基﹕主動睇社企係友善表現
民政事務局長政治助理徐英偉噚日喺個人facebook上載劉江華落區嘅相,話劉江華去咗參觀民社民企家品店,以及民協職訓中心,最後仲去咗社企餐廳「刻咖啡」同馮檢基、民社中心代表,以及民協成員食飯。
阿基話劉江華3個星期前主動約佢,話想去參觀社企。阿基趁機建議香港應仿效外國,制訂社企支援政策。阿基都覺得劉江華主動去睇社企係友善表現,至於會唔會再約見面?阿基話希望可以同局方討論私人樓管理問題,所以會約時間同劉江華見面商討。
阿基﹕主動睇社企係友善表現
民政事務局長政治助理徐英偉噚日喺個人facebook上載劉江華落區嘅相,話劉江華去咗參觀民社民企家品店,以及民協職訓中心,最後仲去咗社企餐廳「刻咖啡」同馮檢基、民社中心代表,以及民協成員食飯。
阿基話劉江華3個星期前主動約佢,話想去參觀社企。阿基趁機建議香港應仿效外國,制訂社企支援政策。阿基都覺得劉江華主動去睇社企係友善表現,至於會唔會再約見面?阿基話希望可以同局方討論私人樓管理問題,所以會約時間同劉江華見面商討。
回應 (0)