新聞類別
副刊
詳情#
【明報專訊】特首梁振英喺2014年《施政報告》話，要推出「香港卓越獎學金計劃」，每年最多100個名額，資助本地高材生升讀世界知名大學，每人每年最多可得25萬元。今次第一年搞，先試行3年，首批得獎尖子包括一名飛機迷。
得獎者之一黃文亨係基層出身，現居秀茂坪公屋，中小學都唔係讀名校，高考亦唔算特別標青，但就好鍾意物理，之後喺科大機械工程以一級榮譽畢業！佢將會去英國帝國學院讀航天工程理學碩士，想做同飛機有關嘅行業，唔排除去考飛機師。
黃文亨自中二接觸到一個模擬飛行遊戲後，就愛上飛行，但當時對飛機嘅印象係「好嘈」同埋啟德機場；中三暑假時第一次搭飛機，當時好驚有意外、好緊張，但親身搭過，又上網搵關於飛機嘅資料，知道飛機其實好安全，對飛機愈嚟愈鍾意，屋企仲有十幾架飛機模型
回應 (0)
