洪永城回應新節目 「無法拍到北韓另一面」

【明報專訊】無綫下周一起播放有關朝鮮（北韓）嘅節目《在那遙遠的地方》，有團體質疑節目未能反映朝鮮真實一面，要求停播，並考慮發起集體向通訊事務管理局投訴行動。Emily噚日搵到《在那遙遠的地方》主持洪永城，佢話呢個係旅遊節目，佢知道北韓有好多面，但今次喺當局監場下，只能帶觀眾睇到其中一面，「我哋無辦法拍到另外一面」，但無意去美化北韓。


洪永城話，拍攝過程中已盡力爭取拍攝更多地方，如北韓水上樂園同餐廳等，希望可以畀人了解更多北韓人嘅生活。


脫北者關注組就未收貨，噚日再發新聞稿，話對無綫電視企業傳訊部副總監曾醒明嘅回覆感到失望，指無綫稱上述為旅遊節目，無法回應質疑，反而令人憂慮會否淪為北韓政府旅遊項目嘅節目。