領展推街市視像買雞

【明報專訊】領展（823）最近將小西灣邨街市翻新，仲改名做本灣街市。呢個街市無雞販牌，而領展就搞咗個i-Chicken檔口，街坊喺一個雞蛋檔前可透過即時視像，選購柴灣街市雞檔嘅活雞，揀啱後，柴灣雞檔就會將劏好嘅雞運到小西灣街市，服務似乎好受歡迎，噚日就賣出40隻。有人質疑視像賣雞涉抄襲2004年學生參加科技比賽嘅概念，但領展梗係話唔係，話佢哋未見有人提出經網絡視像賣雞嘅註冊商標，仲話將來甚至會視乎市場需求，可以搞埋i-Fish甚至i-Pork喎。