新聞類別
副刊
詳情#
【明報專訊】北京噚日舉行大閱兵，唔止記者一早就要到場，嘉賓亦唔例外，噚日天氣當然會極好，烈日當空，搞到班香港觀禮團成員個個都曬到乾，要出盡辦法防曬。避暑之餘，一眾政界人士觀賞閱兵期間仲喺facebook直擊，上載合照，但就被網民質疑網絡「翻牆」係政治不正確。其中新聞統籌專員（IC）馮煒光不斷喺fb更新現場情况，仲話「上網、上FB冇問題」，有網友就質疑佢「公然違反國家法規」。
馮煒光反批「翻牆」指控
IC就同Emily呼冤，話「我不懂翻牆」，解釋任何對內地稍有認識嘅香港人都知道，只要用漫遊卡，都可以喺中國任何角落上fb，「曾經有人撰文恐嚇香港年輕人，說過了羅湖便上不了FB，那人不是無知，便是別有用心。阻礙香港年輕人回來認識祖國」。
民建聯立法會議員陳克勤喺fb打卡話，「習主席，克強總理，唔駛打電話啦，我到咗。」佢之後回應網民話「香港人要在國內用臉書，不用翻牆，用中移動『中港數據共用計劃』即可」。
噚日天氣真係好曬好熱，為咗避暑，立法會議員謝偉俊及黃國健、行政會議成員周松崗等十幾個男士，似乎融入咗內地文化，喺閱兵開始前坐晒喺樓梯，利用看台高度擋太陽，不過據講各人坐咗一陣，就被職員要求離開喇。
范太：梁曾知道影相除帽
由於會場又唔准帶遮，各人乾煎都唔係辦法，經民聯議員石禮謙就諗到用大會派發嘅單張，攝喺眼鏡度擋太陽，效果似乎唔錯。至於一眾女議員，更加包到實，除咗大太陽帽外，又用毛巾包住兩邊臉，搞到大家幾乎都認唔出佢哋。
坐喺城樓上嘅貴賓亦唔好得幾多，人大常委范徐麗泰同Emily講，佢有過去兩次閱兵經驗，所以自備太陽帽，而基本法委員會副主任梁愛詩就出動太陽油，仲同一眾嘉賓分享。由中央電視台拍攝畫面所見，特首梁振英、前特首曾蔭權等人都無戴帽，但范太踢爆，話佢哋一直都有戴住大會提供嘅鴨嘴帽，相信佢哋早知鏡頭會影佢哋，所以臨時除低啫。范太又透露，城樓上面亦好曬，一眾男士中途都頂唔順要除低件西裝外套。
【左方兩名遮到實嘅女士係﹕左圖蔣麗芸，右圖葛珮帆】
馮煒光反批「翻牆」指控
IC就同Emily呼冤，話「我不懂翻牆」，解釋任何對內地稍有認識嘅香港人都知道，只要用漫遊卡，都可以喺中國任何角落上fb，「曾經有人撰文恐嚇香港年輕人，說過了羅湖便上不了FB，那人不是無知，便是別有用心。阻礙香港年輕人回來認識祖國」。
民建聯立法會議員陳克勤喺fb打卡話，「習主席，克強總理，唔駛打電話啦，我到咗。」佢之後回應網民話「香港人要在國內用臉書，不用翻牆，用中移動『中港數據共用計劃』即可」。
噚日天氣真係好曬好熱，為咗避暑，立法會議員謝偉俊及黃國健、行政會議成員周松崗等十幾個男士，似乎融入咗內地文化，喺閱兵開始前坐晒喺樓梯，利用看台高度擋太陽，不過據講各人坐咗一陣，就被職員要求離開喇。
范太：梁曾知道影相除帽
由於會場又唔准帶遮，各人乾煎都唔係辦法，經民聯議員石禮謙就諗到用大會派發嘅單張，攝喺眼鏡度擋太陽，效果似乎唔錯。至於一眾女議員，更加包到實，除咗大太陽帽外，又用毛巾包住兩邊臉，搞到大家幾乎都認唔出佢哋。
坐喺城樓上嘅貴賓亦唔好得幾多，人大常委范徐麗泰同Emily講，佢有過去兩次閱兵經驗，所以自備太陽帽，而基本法委員會副主任梁愛詩就出動太陽油，仲同一眾嘉賓分享。由中央電視台拍攝畫面所見，特首梁振英、前特首曾蔭權等人都無戴帽，但范太踢爆，話佢哋一直都有戴住大會提供嘅鴨嘴帽，相信佢哋早知鏡頭會影佢哋，所以臨時除低啫。范太又透露，城樓上面亦好曬，一眾男士中途都頂唔順要除低件西裝外套。
【左方兩名遮到實嘅女士係﹕左圖蔣麗芸，右圖葛珮帆】
回應 (0)
