小排量汽車 傳撤稅優惠

【明報專訊】環保大氣候下，各國紛紛針對環保車，大減什麼費、什麼稅，總之用盡方法刺激用家盡量用環保車，唔好用大排量汽車。所以祖國已格外向小排量汽車提供各項優惠，包括喺買賣時，只徵收7.5％的消費稅，大排量汽車則維持徵收10％消費稅。

買車消費稅率由7.5％加至10%

不過小琴近日風聞有券商寫報告稱，經接觸內地嘅官員後，知悉原來祖國已「決定」準備重新調高番小排量汽車嘅消費稅率，由7.5％加番到10％。小琴即時好唔明，咁，莫非唔挺環保車？非也，有料人士話，因為早前祖國已經向百姓定明，買節能車即補貼3000蚊人仔，既然家已有現金補貼，稅率係唔係可以唔使減咁多呢？對此，小琴就唔清楚啦，事關呢條線報，係唔係堅晒，小琴都唔敢話實，但係若然成真，未免對吉利（0175）呢類小車股，有一定負面影響。