扮肉瞓街 宣傳佳節吃素

【明報專訊】唔少人喺聖誕節、新年都會大擦一餐，不過香港素食會成員噚日就穿緊身衣，扮成一塊肉咁瞓喺碟上（圖中），做乜呢？又有扮成豬、雞嘅成員，手持標語，喺尖沙嘴鬧市呼籲市民唔好食肉，希望大家反思食物背後嘅代價。香港素食會成員謝業輝解釋，「素食是慶祝節日的最好方式，一個更好的選擇。透過享用健康美味的素食，我們可以令無數動物免於痛生慘死。」