「老公豬」睇聖經迎聖誕

【明報專訊】近年香港出現多宗爭產大案，由華懋、福臨門到鏞記，其中最令人深刻嘅，莫過於風水師陳振聰，原來呢位「老公豬」噚日牛一，但到呢一刻佢仲好努力希望上訴至終審庭，小琴希望佢聖誕快樂之餘，亦祝願香港新一年唔使再有咁多紛爭啦！

同屋企人分享聖經故事

喺平安夜前夕生日嘅陳振聰，多年來因爭奪已故華懋集團主席龔如心嘅830億元遺產不果，前年反而被裁定偽造同行使虛假文書罪成，判處入獄12年，即係陳生今年生日睇怕都要獄中渡過。雖然陳振聰一度富貴，但因為佢資產已經被凍結，今次上訴要申請法援，天堂、地獄真係一線之差。


但家成為階下囚嘅陳振聰，已經開始修心養性，幾個月前仲有報道指佢會喺獄中睇聖經，仲不時同屋企人分享聖經故事。見今年聖誕就快到，希望陳生的起心肝，改過自新啦！


email: piano@mingpao.com

[小琴密語]