中信張極井平安夜Say Goodbye

【明報專訊】中信又有高層變動。2008年中信股份（0267，前稱中信泰富）炒燶澳元Accumulator（累計期權合約）單嘢爆煲後，常振明就接任榮智健主席一職，聯同首席愛將張極井一齊救火。不過，今年先啱啱60歲嘅張極井噚日卻宣布退休。雖然佢繼續留任特別委員會成員，但就辭去執行董事，及執行委員會下資產負債管理委員會嘅主席職務，並喺今個平安夜正式生效。


常振明愛將 啱啱60歲就退休

中信系今年可以話滿城風雨，子公司中信証券（6030）有超過10名高管被帶走調查或失聯，包括與證監會主席助理張育軍師出同門嘅程博明，更有傳喺上月退休、做左中信証券13年嘅「靈魂人物」王東明係「被退休」。如今，連首席愛將都咁早退休，唔知會唔會又同今年中信嘅風風雨雨有關呢？


[小琴密語]