古天樂不敢周街捉精靈

【明報專訊】古天樂昨日出席代言月餅活動，其間，5位幸運客人本獲安排被古仔餵食月餅，但古仔只是為5女逐一遞上，沒餵食，令一眾女生都失望而回。古仔表示今次首度獲邀為月餅盒設計包裝，跟品牌講出自己的想法，就利用了他屋企慣用的顏色黑、黃、橙色作主調，他笑言廣告上星期一推出，便有不少親友致電要求食月餅。他說：「也不錯，往年都要去買月餅或禮品包給他們，今年可方便又快捷。」


打風最好去睇戲

提到暑假檔期他有多部電影上映，古仔稱今年暑假特別充實，希望大家都喜歡其5部作品。對於《寒戰2》打敗《那些年，我們一起追的女孩》重奪香港史上華語電影票房冠軍，古仔說：「有留意，重奪冠軍，希望將來有更多電影不斷挑戰（票房紀錄），最好全部都是港產片。打風日子最好就是去睇戲，不要只顧出街捉精靈。我都有玩，怎可以出去捉？坐車就會捉，但沒沉迷，平日沒人的地方，突然夜晚就很多人，連親戚約食飯，都話食完飯大家一齊去對面公園捉。今年中秋節大家一齊去賞月、捉精靈，再食我代言的月餅就最好不過。」


記者：楊安莉

攝影：梁迺楠

■更多娛樂猛料 ﹕ol.mingpao.com