新聞類別
娛樂
詳情#
【明報專訊】胡定欣、袁偉豪及魔術師甄澤權昨日出席「感受澳門無限式嘉年華」活動，胡定欣與甄澤權合作表演魔術，現場有20多名粉絲舉牌支持。
胡定欣表示《城寨英雄》效應讓她與劇中演員密密接工作，她說﹕「袁偉豪上次跟陳展鵬出席活動，今次就輪到我和袁偉豪，或者下次有客戶搵齊我們3個。即使要我減酬勞都無所謂，他們輪流請我食飯就得，最緊要有錢齊齊搵。（《城寨》帶挈搵真銀足夠買車、買樓？）先儲錢，都希望再置業，是自己的目標。」
談到好友胡杏兒主演的舞台劇《我和春天有個約會》易角，是否專心造人？胡定欣說﹕「覺得佢已準備好，相信佢都希望有BB。其實我哋一班姊妹都叫她結婚第一年不要太忙碌，要好好享受，調理好身體。」
袁偉豪齋睇首飾當買咗
袁偉豪自爆開新劇前仍有活動邀約，無特別計算過進帳多少，要多謝《城寨》及客戶。會否換樓換車？他說﹕「不會，但經過店舖會望望首飾、手表，暫時只會齋睇當買了，多做幾個活動先買，現在掙錢艱難，要學會開源節流。（會否獎勵女友？）一定，媽咪都要，她一直在背後默默支持我，所以有時間會約公公婆婆飲茶。」
記者﹕梁榮達
攝影﹕梁迺楠
■更多娛樂猛料 ﹕ol.mingpao.com
回應 (0)
