陳慧琳欣賞靚衫當著咗

【明報專訊】陳慧琳（Kelly）前日出席Dolce & Gabbana於香港舉行的高級訂製服裝騷，品牌兩名大師也有來港，與Kelly合照並大讚她靚女。Kelly曾去過法國欣賞高級訂製服裝騷，首次可以不用坐長途機便看到大師的設計，非常開心。她見到展出的高級訂製服雍容華貴，不少鑲滿金銀珠寶閃石，她讚嘆說﹕「靚到呢！靚到我一路睇，一路個心嘩嘩聲。」問她是否想訂造？她笑說﹕「想呀！但好貴㗎！今次睇到嗰啲閃到爆，我邊有咁富貴，訂粒鈕或者得，哈哈哈！睇完個騷當著咗，啲衫咁靚，老實講送畀我都唔知點收藏，要請保鑣看住件衫。假如借畀我做演唱會，我無任歡迎，最多請多兩個保安睇實件衫。」


文﹕娛樂組