任達華救咗周杰倫囝囝昆凌感激：救了一命

【蘋果日報專訊】昆凌陀住第二胎嗰陣，仲拍緊《極智追擊：龍鳳劫》，原來有唔少動作場面，前晚喺北京搞新片記者會，同場有英國男星Orlando Bloom及任達華等，昆凌特別向任達華致謝，原來佢喺拍呢套戲有一場講昆凌被人毆打，仲要踢肚，本來昆凌打算親自上陣，但被任達華勸阻，事後昆凌先發現當時原來有咗第2胎，換言之係……任達華喺無意中救咗周杰倫囝囝一命。
對此，任達華笑言：「這可能是命運的安排，十幾年後應該會有個New Star出現，我可以做他（昆凌兒子）乾爸爸，因為當時我叫媽咪（昆凌）用替身，當天每個替身都被人踢大概7、8腳，如果懷著寶寶拍的話，（後果）應該會很麻煩。」
諗番如果昆凌當時真係親身上陣，恐怕後果不堪設想!