新聞類別
娛樂
詳情#
【蘋果日報專訊】農曆七月，對中國人嚟講，係一個忌諱嘅日子。唔好夜歸、唔好踩到路邊祭品、唔好坐尾班車、唔好靠牆行走等等，你又聽過幾多？曾經去英國留學嘅崔碧珈（Anita），憶述當年喺英國宿舍遇上嘅怪事。
Anita話：「嗰時喺英國讀書係住宿舍，我習慣每日放學都會返去瞓一瞓晏覺，咁嗰日放學都一樣，返到去即刻換衫上床瞓，但瞓咗一陣就因為窗簾吹開，俾啲光射入來整醒咗！」Anita話當時都不以為意，細心諗先記得冇開窗，點解窗簾會吹開？佢話：「因為太驚，我一直都唔敢擘大眼看，拉住張被諗咗好耐，就喺呢個時候，我聽到枱前面張凳嘅轉動聲，我肯定自己唔係發夢，但真係好驚，唔知點算，好彩一向習慣將個電話放喺枕頭邊，即刻細細聲打畀隔籬房嘅同學，叫佢企喺我房門口等我。」
即刻搬走
Anita話當時已經唔諗只着背心短褲走出房門，仲記得離開房間時，見到張凳嘅擺放方向真係唔同咗，證明佢冇聽錯，「經過嗰次就即刻搬走，冇再住落去喇！」
撰文：馮仁昭
場地提供：銅鑼灣迷你酒店
Anita話：「嗰時喺英國讀書係住宿舍，我習慣每日放學都會返去瞓一瞓晏覺，咁嗰日放學都一樣，返到去即刻換衫上床瞓，但瞓咗一陣就因為窗簾吹開，俾啲光射入來整醒咗！」Anita話當時都不以為意，細心諗先記得冇開窗，點解窗簾會吹開？佢話：「因為太驚，我一直都唔敢擘大眼看，拉住張被諗咗好耐，就喺呢個時候，我聽到枱前面張凳嘅轉動聲，我肯定自己唔係發夢，但真係好驚，唔知點算，好彩一向習慣將個電話放喺枕頭邊，即刻細細聲打畀隔籬房嘅同學，叫佢企喺我房門口等我。」
即刻搬走
Anita話當時已經唔諗只着背心短褲走出房門，仲記得離開房間時，見到張凳嘅擺放方向真係唔同咗，證明佢冇聽錯，「經過嗰次就即刻搬走，冇再住落去喇！」
撰文：馮仁昭
場地提供：銅鑼灣迷你酒店
回應 (0)
