新聞類別
娛樂
詳情#
【蘋果日報專訊】前港姐冠軍譚小環今個月6日就45歲生日，早年淡出娛樂圈，進軍街邊美食，14年在銅鑼灣開「渣哥」轉行賣魚蛋，到去年再在尖沙嘴開分店，想不到一年後，她將在鰂魚涌及旺角再開店，極速擴張。
監控品質
昨早11時許，小環跟老公蔡強榮（Eric）到鰂魚涌為第三間分店商談裝修事宜，之後小環接受電話訪問時說：「鰂魚涌店因為舖位裏面乜都冇，重新裝修，費用較貴，預計要150萬元，主要喺幾間店營運中拎錢出嚟，但其實中間都有過股東加入同退出。」她透露稍後開張的旺角店，是首次以特許經營方式合作，小環說：「今年揀咗三位年輕人，算係新嘗試，咁樣發展空間會更大，我哋主要為加盟者提供營運服務同食材，所以基本上嘅質素，我哋有信心控制得好好，加盟者要畀約七位數字投資落嚟，目標希望一年回本，我哋對旺角區好有信心，又可以提供多啲就業機會。」小環表示就算開多幾間，自己都會多點來幫手，為了保持水準，會經常巡舖。
老公送錢
最近小環為新店籌備事宜而忙碌，明顯清減不少，對於是否有意大搞渣哥小食店，甚至上市？Eric說：「梗係想，但有排都未得，依家十劃未有一撇。下個月結婚十周年，最多同朋友食吓飯，低調咁過。」老婆的生日禮物Eric已做好準備，他笑說：「多數現金啦，生日同結婚周年會分兩次送。」小環與老公已訂下目標，希望明年可以分別在18區都有分店。據小環所講尖沙嘴店一年內極速回本，令兩人有雄心壯志。今個月對小環而言可謂四喜臨門，生日加上跟老公結婚十周年，同時又有兩店開張。
採訪：陳杰
攝影：陳順禎
監控品質
昨早11時許，小環跟老公蔡強榮（Eric）到鰂魚涌為第三間分店商談裝修事宜，之後小環接受電話訪問時說：「鰂魚涌店因為舖位裏面乜都冇，重新裝修，費用較貴，預計要150萬元，主要喺幾間店營運中拎錢出嚟，但其實中間都有過股東加入同退出。」她透露稍後開張的旺角店，是首次以特許經營方式合作，小環說：「今年揀咗三位年輕人，算係新嘗試，咁樣發展空間會更大，我哋主要為加盟者提供營運服務同食材，所以基本上嘅質素，我哋有信心控制得好好，加盟者要畀約七位數字投資落嚟，目標希望一年回本，我哋對旺角區好有信心，又可以提供多啲就業機會。」小環表示就算開多幾間，自己都會多點來幫手，為了保持水準，會經常巡舖。
老公送錢
最近小環為新店籌備事宜而忙碌，明顯清減不少，對於是否有意大搞渣哥小食店，甚至上市？Eric說：「梗係想，但有排都未得，依家十劃未有一撇。下個月結婚十周年，最多同朋友食吓飯，低調咁過。」老婆的生日禮物Eric已做好準備，他笑說：「多數現金啦，生日同結婚周年會分兩次送。」小環與老公已訂下目標，希望明年可以分別在18區都有分店。據小環所講尖沙嘴店一年內極速回本，令兩人有雄心壯志。今個月對小環而言可謂四喜臨門，生日加上跟老公結婚十周年，同時又有兩店開張。
採訪：陳杰
攝影：陳順禎
回應 (0)
