新聞類別
娛樂
詳情#
【蘋果日報】暑假話咁快就完咗，一班啱啱畢業嘅大學生有人好好彩已經返緊工，有人就好徬徨咁仲搵緊工。《畢業生搵工實錄》一連三集，我哋搵嚟唔同嘅大學生問吓佢地搵工情況，同埋睇吓佢哋認為fresh grad嘅月薪幾多錢先叫合理。
第一集嘅主角係，港大會計系畢業生Natalie。外表斯文嘅Natalie，話自己嘅校內成績唔係特別好，但因為佢未雨綢繆，讀緊year2經已做實習生，所以未畢業就收到Job offer，搵工條路可謂相當順利。
Natalie回想面試當日，HR要求佢用十秒作一首英文詩，原來今時今日見工除咗要準備充足，仲講求創意同埋急才。Natalie話：「面試時難免會遇到奇怪或尖銳嘅問題，勸勉各位同學仔唔使太擔心答案嘅對與錯，反而要留意吓自己嘅態度同反應。」另外，Natalie叫大家要盡量喺畢業前爭取機會做實習生，先可以增加畢業後嘅受聘機會。「因為搵工始終都一定會睇你有冇工作經驗，如果冇乜相關經驗嘅話，始終就會比較冇咁着數。」
講到人工待遇問題，Natalie話唔介意起薪點有幾多，最重要係睇吓有冇得發展，即係career path啦！「一個啱啱出嚟嘅大學生，可能萬幾蚊我已經覺得Okay，起薪點唔係一個最重要嘅考慮因素。如果見到間公司係有好嘅前景同機會，我覺得畢業生就應該去做。」
到底點解面試官咁鍾意出啲難題刁難求職者呢？快啲睇片，聽吓人力資源及發展部經理Rocco點講喇。《畢業生搵工實錄》第2集，有搵工好運滯嘅Sunny登場，想知點解佢咁黑仔？點解成日做散工？記得留意下一則即時娛樂。
採訪：趙永傑、RachelBee
攝錄：馮峰、NEO、吉吉
第一集嘅主角係，港大會計系畢業生Natalie。外表斯文嘅Natalie，話自己嘅校內成績唔係特別好，但因為佢未雨綢繆，讀緊year2經已做實習生，所以未畢業就收到Job offer，搵工條路可謂相當順利。
Natalie回想面試當日，HR要求佢用十秒作一首英文詩，原來今時今日見工除咗要準備充足，仲講求創意同埋急才。Natalie話：「面試時難免會遇到奇怪或尖銳嘅問題，勸勉各位同學仔唔使太擔心答案嘅對與錯，反而要留意吓自己嘅態度同反應。」另外，Natalie叫大家要盡量喺畢業前爭取機會做實習生，先可以增加畢業後嘅受聘機會。「因為搵工始終都一定會睇你有冇工作經驗，如果冇乜相關經驗嘅話，始終就會比較冇咁着數。」
講到人工待遇問題，Natalie話唔介意起薪點有幾多，最重要係睇吓有冇得發展，即係career path啦！「一個啱啱出嚟嘅大學生，可能萬幾蚊我已經覺得Okay，起薪點唔係一個最重要嘅考慮因素。如果見到間公司係有好嘅前景同機會，我覺得畢業生就應該去做。」
到底點解面試官咁鍾意出啲難題刁難求職者呢？快啲睇片，聽吓人力資源及發展部經理Rocco點講喇。《畢業生搵工實錄》第2集，有搵工好運滯嘅Sunny登場，想知點解佢咁黑仔？點解成日做散工？記得留意下一則即時娛樂。
採訪：趙永傑、RachelBee
攝錄：馮峰、NEO、吉吉
回應 (0)
