新聞類別
娛樂
詳情#
【蘋果日報】
今年9歲「小巨肺」譚芷昀（Celine）下星期三會再次出戰真人騷《全美一叮》（America's Got Talent，簡稱AGT）準決賽，上次半準決賽後，Celine一直留喺美國特訓，準備以最佳狀態迎戰勁敵，為港爭光。一直被視為Celine勁敵嘅13歲鋼琴少女Evie Clai，喺香港時間噚日率先表演，自彈自唱女歌手Ella Henderson歌曲《Yours》。Evie唱完獲評判一致好評，仲讚佢淡定聲靚，Evie聽到評語，感動到流眼淚。
全場大笑
至於另一天才參賽童星、12歲腹語歌手Darci Lynne喺噚日表演就控制阿婆公仔，搞笑話阿婆要向評判Simon Cowell用歌示愛，以腹語術唱出天后Aretha Franklin歌曲《（You Make Me Feel Like）A Natural Woman》，仲拎起公仔行去Simon身邊唱歌，全場捧腹大笑。出名嚴格嘅Mel B大讚Darci表演令人印象難忘，仲話佢絕對可以問鼎冠軍。準決賽結果將於今日嗰集《全美一叮》公佈，睇以上兩個女仔嘅表演同評判評語，肯定有機會入決賽，唔知下星期出賽嘅Celine表現又點呢！
撰文：馮仁昭
今年9歲「小巨肺」譚芷昀（Celine）下星期三會再次出戰真人騷《全美一叮》（America's Got Talent，簡稱AGT）準決賽，上次半準決賽後，Celine一直留喺美國特訓，準備以最佳狀態迎戰勁敵，為港爭光。一直被視為Celine勁敵嘅13歲鋼琴少女Evie Clai，喺香港時間噚日率先表演，自彈自唱女歌手Ella Henderson歌曲《Yours》。Evie唱完獲評判一致好評，仲讚佢淡定聲靚，Evie聽到評語，感動到流眼淚。
全場大笑
至於另一天才參賽童星、12歲腹語歌手Darci Lynne喺噚日表演就控制阿婆公仔，搞笑話阿婆要向評判Simon Cowell用歌示愛，以腹語術唱出天后Aretha Franklin歌曲《（You Make Me Feel Like）A Natural Woman》，仲拎起公仔行去Simon身邊唱歌，全場捧腹大笑。出名嚴格嘅Mel B大讚Darci表演令人印象難忘，仲話佢絕對可以問鼎冠軍。準決賽結果將於今日嗰集《全美一叮》公佈，睇以上兩個女仔嘅表演同評判評語，肯定有機會入決賽，唔知下星期出賽嘅Celine表現又點呢！
撰文：馮仁昭
回應 (0)
