新聞類別
娛樂
詳情#
【蘋果日報】江若琳曾因合約糾紛而欠債纍纍，更為月跑十萬元填數返內地發展，今年她入行十周年回歸香港，前晚假九展舉行演唱會。着白色透視裙的江若琳性感登場，刻意選唱「生煎包王子」男友蕭潤邦（Oscar）的歌曲《背上的肖像》，並公開讚男友：「雖然今日你已經冇再拎起咪唱歌，我好想唱呢一首歌，等大家知道你有一首咁好聽嘅歌。」
匿入篋避人
之後Oscar現身做嘉賓力撐女友，江若琳除鞋赤腳跟他跳辣身舞，還甜蜜地瞓在男友的大髀上，Oscar更抱起江若琳轉圈，兩人最後拖手返後台。之後江若琳再出場唱《Show you》時，艾粒做嘉賓幫手伴舞，兩人身上貼好多生煎包貼紙，少爺占爆料說：「頭先喺後台，有個人一路睇住電視，一路講：『個衰豬博到咁盡，你睇佢個側面，幾咁索！』」
騷上江若琳重提自己的經歷，她感慨說：「幾年前同前公司有糾紛嘅時候，要去律師樓處理文件，但樓下有好多車、好多狗仔隊，我就諗咗個辦法，就係叫貨車，之後將自己塞入個好大嘅篋，再叫朋友抬個篋上車，當時司機同我講：『原來你出街咁辛苦，我依家好似去棄屍咁。』我喺個篋入面學識乜叫做能屈能伸，遇到難關點都過到，從今以後你哋可以叫我篋神。」
被笑飛釘Ling
輪到杜汶澤出場，兩人曾合作拍電影《高舉．愛》，阿澤笑言：「嚟唱歌都好過借錢畀你打官司。」江若琳衷心多謝阿澤說：「打官司時佢同我講：『錢我就冇乜，但係一百萬都有嘅。』佢任何時候都會義不容辭咁幫手。」阿澤又爆江若琳花名叫「飛釘Ling」：「有次拍戲轉景除咗戲服，江若琳唔記得着番件內衣，中途見到EO2 Eddie幾個人一齊影相，江若琳搵咗我遮擋。」令全場大笑。
採訪：王連連
攝影：仇志德
匿入篋避人
之後Oscar現身做嘉賓力撐女友，江若琳除鞋赤腳跟他跳辣身舞，還甜蜜地瞓在男友的大髀上，Oscar更抱起江若琳轉圈，兩人最後拖手返後台。之後江若琳再出場唱《Show you》時，艾粒做嘉賓幫手伴舞，兩人身上貼好多生煎包貼紙，少爺占爆料說：「頭先喺後台，有個人一路睇住電視，一路講：『個衰豬博到咁盡，你睇佢個側面，幾咁索！』」
騷上江若琳重提自己的經歷，她感慨說：「幾年前同前公司有糾紛嘅時候，要去律師樓處理文件，但樓下有好多車、好多狗仔隊，我就諗咗個辦法，就係叫貨車，之後將自己塞入個好大嘅篋，再叫朋友抬個篋上車，當時司機同我講：『原來你出街咁辛苦，我依家好似去棄屍咁。』我喺個篋入面學識乜叫做能屈能伸，遇到難關點都過到，從今以後你哋可以叫我篋神。」
被笑飛釘Ling
輪到杜汶澤出場，兩人曾合作拍電影《高舉．愛》，阿澤笑言：「嚟唱歌都好過借錢畀你打官司。」江若琳衷心多謝阿澤說：「打官司時佢同我講：『錢我就冇乜，但係一百萬都有嘅。』佢任何時候都會義不容辭咁幫手。」阿澤又爆江若琳花名叫「飛釘Ling」：「有次拍戲轉景除咗戲服，江若琳唔記得着番件內衣，中途見到EO2 Eddie幾個人一齊影相，江若琳搵咗我遮擋。」令全場大笑。
採訪：王連連
攝影：仇志德
回應 (0)
