新聞類別
娛樂
詳情#
【蘋果日報】早前每日話題都係港姐，數數手指，01年港姐亞軍鍾沛枝，已經係十幾年前參選，自從07年離開無綫後，恍如失蹤人口，退隱娛圈，上年7月被《蘋果》影到鍾沛枝同拍咗拖3年幾嘅澳洲籍男友藍先生拍拖，原來去年底左右，鍾沛枝甩拖，目前仲係單身。
佢間唔中都會喺社交網貼自拍相，大前日就話有研究九型人格，原來自己係理性型，佢都話平日睇師奶劇都會喊，可能自己係工作上係理性，但感情上，真係唔知自己係唔係理性型。
咁佢真係幾理性，就算面對啲富豪飯局都不為所動，自有選美開始，即傳有富豪飯局，有唔少人會收到利是，又有啲圈中嘅中間人會主動聯絡，昨日有周刊報道指，鍾沛枝都承認曾喺唔知情下，被「邀請」去富豪飯局，鍾沛枝當時仲喺圈內，有次一個女藝人話約鍾沛枝食飯聚舊，見對方約咗好耐，鍾沛枝先先決定食飯，起初以為只係同呢個女藝人食嘢，去到呢位女藝人俾嘅地址，去到又有一架車去接鍾沛枝去另一個地方，成程唔見嗰位女藝人，跟手被載去一個私人會所食中菜，當時啲人都到齊，只係得一個男士身邊有一個吉位，鍾沛枝坐低，都係唔見嗰個女藝人，鍾沛枝又向報道指，嗰位男士嗰陣講「約咗你好耐」，鍾沛枝就明白係嗰個女藝人出蠱惑，鍾沛枝直言係冇收過錢，嗰次係被呃去，唔知中間人收咗啲咩利益。
鍾沛枝喺報道又稱曾經收過一位秘書嘅電話，指有人想約佢食下午茶，上車就會收到68萬元現金，呢件事都令鍾沛枝覺得好怪，佢亦唔知對方點解有佢電話，只係拒絕咗就算。《蘋果》昨日就飯局一事問番鍾沛枝，佢話到o依家都唔明點解當年會有人邀請去飯局。佢話：「亦都唔明收68萬去飲下午茶。」問佢係咪對方想攞好意頭，佢講笑話：「咁索性168萬啦，仲好意頭。不過就算俾幾多錢，都係唔會去。雖然我唔係女強人，不過只要肯努力，都可以創出自己嘅事業，大家都可以。」
佢間唔中都會喺社交網貼自拍相，大前日就話有研究九型人格，原來自己係理性型，佢都話平日睇師奶劇都會喊，可能自己係工作上係理性，但感情上，真係唔知自己係唔係理性型。
咁佢真係幾理性，就算面對啲富豪飯局都不為所動，自有選美開始，即傳有富豪飯局，有唔少人會收到利是，又有啲圈中嘅中間人會主動聯絡，昨日有周刊報道指，鍾沛枝都承認曾喺唔知情下，被「邀請」去富豪飯局，鍾沛枝當時仲喺圈內，有次一個女藝人話約鍾沛枝食飯聚舊，見對方約咗好耐，鍾沛枝先先決定食飯，起初以為只係同呢個女藝人食嘢，去到呢位女藝人俾嘅地址，去到又有一架車去接鍾沛枝去另一個地方，成程唔見嗰位女藝人，跟手被載去一個私人會所食中菜，當時啲人都到齊，只係得一個男士身邊有一個吉位，鍾沛枝坐低，都係唔見嗰個女藝人，鍾沛枝又向報道指，嗰位男士嗰陣講「約咗你好耐」，鍾沛枝就明白係嗰個女藝人出蠱惑，鍾沛枝直言係冇收過錢，嗰次係被呃去，唔知中間人收咗啲咩利益。
鍾沛枝喺報道又稱曾經收過一位秘書嘅電話，指有人想約佢食下午茶，上車就會收到68萬元現金，呢件事都令鍾沛枝覺得好怪，佢亦唔知對方點解有佢電話，只係拒絕咗就算。《蘋果》昨日就飯局一事問番鍾沛枝，佢話到o依家都唔明點解當年會有人邀請去飯局。佢話：「亦都唔明收68萬去飲下午茶。」問佢係咪對方想攞好意頭，佢講笑話：「咁索性168萬啦，仲好意頭。不過就算俾幾多錢，都係唔會去。雖然我唔係女強人，不過只要肯努力，都可以創出自己嘅事業，大家都可以。」
回應 (0)
