「檸七」歌手十周年聚會江若琳：HotCha冇不和

【蘋果日報】雖然唔少網民成日講「香港樂壇」已死，不過每年仍然有新力軍出道，有啲同年出道，可能一出道就係競爭對手，但如果過咗十年，經歷娛圈「洗禮」，一起長大、一齊追尋夢想，自然就會成為朋友，建立出互相扶持嘅友情，就好似2007年出道嘅歌手，佢哋近年不時約埋一齊聚舊，互串對方，佢哋叫自己做「檸7」。


前晚一眾「檸7」歌手又搞gathering，慶祝10週年快樂!出席有江若琳、周柏豪、小肥、陳柏宇、鍾舒漫及Hotcha，今次洪卓立同轉戰大陸嘅林峯都冇去，仲係未齊人，不過江若琳就帶埋男友蕭潤邦(Oscar)現身，原來男友Oscar都係2007年出道歌手，係前男子組合Bliss成員。


江若琳搞笑喺Ig貼合照，留言：「『檸7』10週年聚會之Hotcha其實冇不和。」之前有傳Winkie、Regen妒忌Crystal多嘢做，逃不過拆夥命運。


至於，缺席嘅洪卓立就喺江若琳嘅Ig回覆咗一個「喊」嘅emoji，江若琳即問佢：「你做咩唔嚟!」