蔡潔歌神前獻聲好緊張

【蘋果日報】蔡潔於劇中飾演單親媽媽兼蔡思韵的好姊妹Cece，她說：「其實我係故事入面最清醒嗰個，我睇到劇中蔡思韵同Eason帶嚟嘅傷害，尤其對小朋友嘅傷害，所以我係反對佢哋一齊嘅。」她透露劇中要在Eason耳邊唱歌，蔡潔說：「嗰場講我飲醉酒，Eason仲要聽我唱晒成首好經典嘅英文歌。喺歌神面前唱歌喎，真係好緊張，不過我事前都唔敢請教Eason呀，唔敢打搞佢。」


蔡潔又謂現實生活中與Cece一樣，認為婚姻是要為承諾負責任：「我嘅睇法都係非黑即白，無論係乜嘢原因引發另外嘅感情都好，婚姻唔係兩個人嘅事，係會影響到幾家人甚至後代。有個關於婚姻嘅比喻我覺得好好，佢話以前嘅人有嘢壞咗會修理，但依家嘅人壞咗嘅嘢會掉，我哋依家擁有一樣嘢快咗、容易咗，變咗珍惜嘅程度低咗。我相信到失去嘅時候，都仍然會後悔，但其實應該喺失去之前保護佢。」


撰文：盧妹

攝影：陳慧安

髮型：Vince Pang

化妝：Tiffany Fong