新聞類別
娛樂
詳情#
【蘋果日報】【《蘋果》專訪】婚姻的幸福，至少在兩人簽紙作實的一刻，是真實存在的。只是，現代愛情故事裏面，有多少婚姻可以相愛到白頭？郭偉亮（Eric Kwok）早前拍攝ViuTV原創音樂劇《短暫的婚姻》，面對婚姻與外遇的困惑，擁有幸福婚姻的他，日前受訪時分享最老生常談的婚姻法則：「婚姻係無時無刻都要灌水施肥。」
採訪：盧妹
髮型：Adrian Tong
化妝：Annie G. Chan
久未推出新專輯的陳奕迅（Eason），最近與ViuTV合作製作音樂劇《短暫的婚姻》，邀得好友郭偉亮、蔡思韵及蔡潔演出，該劇將於明晚9時30分於ViuTV播出。四人合力上演一場三角戀，在婚姻的承諾面前，遇上相逢恨晚的情感，是個「是他，也是你和我」的寫實故事。
劇中飾演有財花心大律師的Eric Kwok，日前於柴灣受訪宣傳，這次是他首次拍攝電視劇，他直言有戲癮：「今次我同Eason都係被劇本吸引，個劇本好寫實，同時又好classy、好有氣氛。我個角色係好錫老婆，但係又忍唔住偷食，我覺得呢個角色都似我爸爸，我都好想了解多啲，演嗰陣都有少少參考我爸爸。」
對白一粒字都唔改
Eric Kwok坦言因為有演戲經驗，對自己的要求亦會提高：「我成日講對白好唔順，後來學識記重點，不過今次個劇本太正，我同Eason都決定一粒字都唔會改，對我嚟講，又要重新學習。」但他覺得這次拍劇與拍電影的分別不大：「我哋拍嗰啲時間又唔會去到好癲，同埋個古仔發生喺唐樓，嗰棟唐樓就係編劇嘅屋企，個感覺特別正。」Eric Kwok與Eason向來是好友，但劇中他們不是兄弟而是情敵：「今次我哋要對立，我太太被佢嘅魅力吸引到，我又成日偷食，所以畀機會佢乘虛而入，係好睇嘅，但得5集就真係唔夠喉。」
劇中談到婚姻，問他會否認為現代人對婚姻的看法比從前兒嬉？Eric Kwok說：「以前嘅婚姻係一世，好唔好都要忍讓、包容。依家嘅年代，女人冇咁多唔平等，佢哋都有自己事業，男女地位開始拉番勻，女士更加唔使忍受男士嘅不忠，所以有乜事就會揀分開，因為分開易過繼續。」現實生活中，多年來與太太葉佩雯恩愛非常的他又如何看婚姻？Eric Kwok笑謂：「無時無刻都要灌水、施肥，永遠唔好忘記另一半，尤其女士好需要安全感。即係好似大廈維修咁，要不斷做，呢個世界係不停有大浪打去棟大廈度，所以久唔久就要fix佢，唔係有問題先去修補。」
兩度面對離婚關口
Eric Kwok更自爆與太太曾兩度面對婚姻破裂，幾乎離婚：「不過我哋選擇咗由零開始、寬恕大家，如果兩個人都依然肯去做，就係整定（在一起），遇到兩個都想修補婚姻嘅人，其實都唔容易。」他謂一定要經常與太太溝通，即使會煩厭，但仍然會為對方的安心而做：「寧願佢安心好過，佢問乜都要be honest，最緊要係講過嘅嘢要算數，好似承諾咗幾點返就一定要返。女仔要單獨同我食飯？唔好話食飯，單獨攞我微信都難，我連Ig follow乜嘢人都要小心，因為我老婆會睇，同埋有你哋（傳媒）好，可以make sure我一定冇出軌。」
採訪：盧妹
髮型：Adrian Tong
化妝：Annie G. Chan
久未推出新專輯的陳奕迅（Eason），最近與ViuTV合作製作音樂劇《短暫的婚姻》，邀得好友郭偉亮、蔡思韵及蔡潔演出，該劇將於明晚9時30分於ViuTV播出。四人合力上演一場三角戀，在婚姻的承諾面前，遇上相逢恨晚的情感，是個「是他，也是你和我」的寫實故事。
劇中飾演有財花心大律師的Eric Kwok，日前於柴灣受訪宣傳，這次是他首次拍攝電視劇，他直言有戲癮：「今次我同Eason都係被劇本吸引，個劇本好寫實，同時又好classy、好有氣氛。我個角色係好錫老婆，但係又忍唔住偷食，我覺得呢個角色都似我爸爸，我都好想了解多啲，演嗰陣都有少少參考我爸爸。」
對白一粒字都唔改
Eric Kwok坦言因為有演戲經驗，對自己的要求亦會提高：「我成日講對白好唔順，後來學識記重點，不過今次個劇本太正，我同Eason都決定一粒字都唔會改，對我嚟講，又要重新學習。」但他覺得這次拍劇與拍電影的分別不大：「我哋拍嗰啲時間又唔會去到好癲，同埋個古仔發生喺唐樓，嗰棟唐樓就係編劇嘅屋企，個感覺特別正。」Eric Kwok與Eason向來是好友，但劇中他們不是兄弟而是情敵：「今次我哋要對立，我太太被佢嘅魅力吸引到，我又成日偷食，所以畀機會佢乘虛而入，係好睇嘅，但得5集就真係唔夠喉。」
劇中談到婚姻，問他會否認為現代人對婚姻的看法比從前兒嬉？Eric Kwok說：「以前嘅婚姻係一世，好唔好都要忍讓、包容。依家嘅年代，女人冇咁多唔平等，佢哋都有自己事業，男女地位開始拉番勻，女士更加唔使忍受男士嘅不忠，所以有乜事就會揀分開，因為分開易過繼續。」現實生活中，多年來與太太葉佩雯恩愛非常的他又如何看婚姻？Eric Kwok笑謂：「無時無刻都要灌水、施肥，永遠唔好忘記另一半，尤其女士好需要安全感。即係好似大廈維修咁，要不斷做，呢個世界係不停有大浪打去棟大廈度，所以久唔久就要fix佢，唔係有問題先去修補。」
兩度面對離婚關口
Eric Kwok更自爆與太太曾兩度面對婚姻破裂，幾乎離婚：「不過我哋選擇咗由零開始、寬恕大家，如果兩個人都依然肯去做，就係整定（在一起），遇到兩個都想修補婚姻嘅人，其實都唔容易。」他謂一定要經常與太太溝通，即使會煩厭，但仍然會為對方的安心而做：「寧願佢安心好過，佢問乜都要be honest，最緊要係講過嘅嘢要算數，好似承諾咗幾點返就一定要返。女仔要單獨同我食飯？唔好話食飯，單獨攞我微信都難，我連Ig follow乜嘢人都要小心，因為我老婆會睇，同埋有你哋（傳媒）好，可以make sure我一定冇出軌。」
回應 (0)
