【馮仁昭四圍超】麥皓兒揀男友要專一

【蘋果日報】麥皓兒噚日喺尖沙嘴出席親子活動，佢呢排多線發展，之前用三年時間讀工商企業管理學士課程，之後進軍商界以7位數字投資珠寶店公司，佢嘅目標係上市。
因為工作多，麥皓兒講笑話自己係同工作拍拖，揀男友唔介意對方未必比自己有錢，最緊要專一同有上進心。雖然佢做咗珠寶業但未遇到富商男友，反而認識好多前輩教自己做生意。
撰文：馮仁昭