周永恒送別嫲嫲

【蘋果日報】音樂人周啟生母親周傅淑華日前因病離世，昨日其家人於香港殯儀館為她設靈，喪禮以基督教儀式進行，音樂人林慕德、DJ鄧慧詩與藝人葉暐等到場致祭。昨日約5時，周啟生姪兒周永恒（Roy）穿上黑色素服現身靈堂，他說：「嫲嫲90幾歲，都係老人病，佢近幾年返老還童，都係爹哋探佢多啲。」
提到女友，周永恒說：「冇呀，唔講呢啲，遲啲先啦。」而早年曾與叔叔周啟生因錢反目，問他見面時會否尷尬？他說：「錢銀？反目？冇呀！」提到早前有指他到澳洲時，在航機上被警察帶走問話一事，他說：「好無聊呀！其實只係普通安檢，當笑料。」問到兩個女兒會否出席喪禮？他說：「通知咗佢媽咪，小朋友冇乜所謂啦！」
採訪：黃曉妍　
攝影：陳俊強