又戴假髮又踢波柏豪個樣係世界級

【蘋果日報】今年32歲嘅周柏豪，07年出道成為歌手，一首《六天》令佢順利殺入當年各大流行榜嘅頭幾名，更加橫掃樂壇新人獎，之後無論樂壇、電影界甚至最近嘅電視都有佢嘅身影，不過網民似乎對佢嘅外形有興趣多啲。
《寵物小精靈》比比鳥
其實由出道開始，周柏豪就已經因為佢嘅髮型而被網民揶揄似足日本動漫《寵物小精靈》入面嘅比比鳥，不過周柏豪就一於少理，咁多年嚟都仲keep住呢個髮型。
澳洲Model Paula Hlavacek
模特兒出身嘅周柏豪外形緊係有返咁上下，不過前排就有網民發現有一名出生喺澳洲嘅Model同柏豪一模一樣，似足孖生兄妹咁，特別喺非常搶戲嘅鼻窿都似到十足。
英國球隊阿士東維拉中場　基亞利殊（Jack Grealish）
去完澳洲戴假髮之後，又有網民喺足球場搵到周柏豪嘅身影，其實佢係英國球隊阿士東維拉嘅中場新星基亞利殊（Jack Grealish），睇返佢個五官連埋個髮型都真係有九成似。
巴西球員　馬些路（Marcelo）
最尾呢一位其實本身都唔係叫做好似，但係喺上屆世界盃有網民發現馬些路某一個角度再配合埋張相嘅表情，竟然有周柏豪嘅影子，果然大家其實都係好愛周柏豪，去到邊都見到佢。