新聞類別
娛樂
詳情#
【蘋果日報】楊千嬅將於12月在紅館舉行跨年演唱會，十場門票爆滿，不少網民望着絕望三面台，投訴座位被內部認購，令歌迷向隅。昨日千嬅亮相本報facebook專頁直播節目《今日ENT》兼接受專訪時，表明已「大義滅親」：「我楊氏宗親會，同丁家都要cut飛，我都要7月知（cut飛），賣飛時間好短，各自各好急，好多人要做嘢。」
對於有網民形容是絕望舞台，千嬅說：「我當初都唔知乜嘢叫黑格同黃牛點嚟，打去公司問，有人答我『楊小姐，你自己訂嗰啲係內部認購』，啲黑格就係咁嚟，所以自己都cut咗飛。不過係感激fans嘅，佢哋反應好熱烈。」
人生倒數緊
提到演唱會前後都要做足準備，是否冇時間陪伴愛兒丁進諾？千嬅說：「都會㗎，因為佢依家讀小學，喺學校嘅時間長咗，而聖誕長假期我同老公、奶奶同我媽咪商量好，會帶佢去旅行，然後返嚟睇媽咪開騷。」她希望屆時兒子和家人可以陪她一齊在紅館倒數，「呢樣係最開心嘅事，講真我都覺得人生喺度倒數緊，所以每一次機會都應該做好啲、positive啲。」
自覺係高危
今次開騷，千嬅沒有想過邀請嘉賓幫手，說到興起的她更爆老公丁子高的趣事：「丁生日日朝早有睇報紙習慣，經常睇健康版話唔好飲檸檬茶，低糖嘅嘢其實唔好呀，佢成日喺家庭家族個group度日日貼一篇出嚟，所以我好清楚。當中有一篇講腦退化，我同佢講不如去旅行影多啲相，我覺得我自己係高危！」因此她每次帶囝囝出街，都會和囝囝喪影相，就是怕有朝一日忘記時，有相為證，同時解釋了千嬅在演唱會期間忘記歌詞的原因，她說：「呢幾年都想訓練自己，有歌好耐冇唱係好危險。」
對於由寰亞舉辦的演唱會，卻落錯英皇公司的電話，千嬅解釋是忙中有錯，海報落錯。她大讚對方接線生的應對：「我高度讚揚，就算啲借錢電話，你聽到一吓都已經好竧啦，佢哋聽咁多次都好客氣、好有禮貌。」
採訪：曹家誠
化妝：Ling Chan of ZING the makeup school
髮型：Vic Kwan& Torres Pang of Wecut.asia
場地提供：好酒好蔡
對於有網民形容是絕望舞台，千嬅說：「我當初都唔知乜嘢叫黑格同黃牛點嚟，打去公司問，有人答我『楊小姐，你自己訂嗰啲係內部認購』，啲黑格就係咁嚟，所以自己都cut咗飛。不過係感激fans嘅，佢哋反應好熱烈。」
人生倒數緊
提到演唱會前後都要做足準備，是否冇時間陪伴愛兒丁進諾？千嬅說：「都會㗎，因為佢依家讀小學，喺學校嘅時間長咗，而聖誕長假期我同老公、奶奶同我媽咪商量好，會帶佢去旅行，然後返嚟睇媽咪開騷。」她希望屆時兒子和家人可以陪她一齊在紅館倒數，「呢樣係最開心嘅事，講真我都覺得人生喺度倒數緊，所以每一次機會都應該做好啲、positive啲。」
自覺係高危
今次開騷，千嬅沒有想過邀請嘉賓幫手，說到興起的她更爆老公丁子高的趣事：「丁生日日朝早有睇報紙習慣，經常睇健康版話唔好飲檸檬茶，低糖嘅嘢其實唔好呀，佢成日喺家庭家族個group度日日貼一篇出嚟，所以我好清楚。當中有一篇講腦退化，我同佢講不如去旅行影多啲相，我覺得我自己係高危！」因此她每次帶囝囝出街，都會和囝囝喪影相，就是怕有朝一日忘記時，有相為證，同時解釋了千嬅在演唱會期間忘記歌詞的原因，她說：「呢幾年都想訓練自己，有歌好耐冇唱係好危險。」
對於由寰亞舉辦的演唱會，卻落錯英皇公司的電話，千嬅解釋是忙中有錯，海報落錯。她大讚對方接線生的應對：「我高度讚揚，就算啲借錢電話，你聽到一吓都已經好竧啦，佢哋聽咁多次都好客氣、好有禮貌。」
採訪：曹家誠
化妝：Ling Chan of ZING the makeup school
髮型：Vic Kwan& Torres Pang of Wecut.asia
場地提供：好酒好蔡
回應 (0)
