楊洛婷最緊要囡囡健康

【蘋果日報】【我的美麗孕記】楊洛婷與Dear Jane主唱黃天翱（Tim）結婚後，積極造人4年，終於得償所願，緊張大師楊洛婷懷孕期間，放鬆心情，笑臉迎人，成功生了Tanya Faith Wong。楊洛婷產前接受本報專訪，被問到對女兒的期望：「其實我就希望佢係開心，可以快樂成長。」
楊洛婷表示BB的健康好緊要，懷孕期間每個月都會照超聲波：「之前醫生話，BB個頭比較細，我已經好驚，到第2次去驗又冇事，又大番，BB嘅生長你係估唔到，有時聽到會好擔心。有啲朋友同你講BB個頭有個窿生唔埋，個心又好細，聽到呢啲嘢你會好擔心。我之前希望生個女似我，大個又做香港小姐，依家就會覺得最緊要係健康，佢想做乜嘢，作為父母會support。」
採訪：楊潔雯
攝影：林德雄