新聞類別
娛樂
詳情#
【蘋果日報】女子組合Twins昨日在馬鞍山為新唱片《花約》舉行簽名會，蔡卓妍（阿Sa）和鍾欣潼（阿嬌）有愛情滋潤，兩人昨現身時都分外風騷，還跟歌迷玩遊戲，心情大靚。
讚男友肯犧牲
Twins台上被問到現在的感情狀況，兩人異口同聲表示開心。阿嬌近日被爆跟台灣「醫界王陽明」賴弘國拍拖，男方早前更追到香港，阿嬌笑指男友不在香港，應身在杭州工作，她果然清楚男友行程。阿嬌透露男友要經常周圍飛：「佢會安排好時間就我啲期，會編近香港，佢嘅行程冇人會忍受到，車程飛機好密，會好攰，佢堅持到好勁。」她大讚男友肯為她犧牲。
阿嬌與男友各有各忙，不能常見面，問到賴弘國會否為她「私家夜診」？阿嬌又爆金句：「佢係醫學美容醫生，我唔需要，而且我有另一個代言，唔通養狗唔可以嫁獸醫咩？」她最近不時到內地拍戲，跟男友拍拖又講普通話，雙語令她有點混亂。
而阿Sa戀「百億麻將館太子爺」石恆聰，更表示曾幻想與阿嬌一齊舉行婚禮，阿Sa說：「諗就咁諗，但今日唔知聽日事。」阿嬌認為跟男友認識約三個月，剛拍拖不久，她說：「等佢財政成熟啲先，等我唔使捱苦，佢話唔想我做嘢。」阿Sa則講笑叫阿嬌養她。
接受對方情史
賴弘國是否已視阿嬌為太太？她說：「唔知，你哋搵王陽明問吓，佢哋咁似樣。」婚後會否移居台灣？阿嬌指言之尚早，她也怕戀情見光快死：「講講吓就冇，冇諗過咁快畀人知，咁快知好易冇。」阿Sa一邊講「touch wood」，一邊拍拍木邊。阿嬌不介意男友被揭情史，認為每個人都有過去，並覺得肯包容及有愛就足夠，最重要不影響及騷擾到對方的舊愛。
採訪：王連連
攝影：陳俊強
讚男友肯犧牲
Twins台上被問到現在的感情狀況，兩人異口同聲表示開心。阿嬌近日被爆跟台灣「醫界王陽明」賴弘國拍拖，男方早前更追到香港，阿嬌笑指男友不在香港，應身在杭州工作，她果然清楚男友行程。阿嬌透露男友要經常周圍飛：「佢會安排好時間就我啲期，會編近香港，佢嘅行程冇人會忍受到，車程飛機好密，會好攰，佢堅持到好勁。」她大讚男友肯為她犧牲。
阿嬌與男友各有各忙，不能常見面，問到賴弘國會否為她「私家夜診」？阿嬌又爆金句：「佢係醫學美容醫生，我唔需要，而且我有另一個代言，唔通養狗唔可以嫁獸醫咩？」她最近不時到內地拍戲，跟男友拍拖又講普通話，雙語令她有點混亂。
而阿Sa戀「百億麻將館太子爺」石恆聰，更表示曾幻想與阿嬌一齊舉行婚禮，阿Sa說：「諗就咁諗，但今日唔知聽日事。」阿嬌認為跟男友認識約三個月，剛拍拖不久，她說：「等佢財政成熟啲先，等我唔使捱苦，佢話唔想我做嘢。」阿Sa則講笑叫阿嬌養她。
接受對方情史
賴弘國是否已視阿嬌為太太？她說：「唔知，你哋搵王陽明問吓，佢哋咁似樣。」婚後會否移居台灣？阿嬌指言之尚早，她也怕戀情見光快死：「講講吓就冇，冇諗過咁快畀人知，咁快知好易冇。」阿Sa一邊講「touch wood」，一邊拍拍木邊。阿嬌不介意男友被揭情史，認為每個人都有過去，並覺得肯包容及有愛就足夠，最重要不影響及騷擾到對方的舊愛。
採訪：王連連
攝影：陳俊強
回應 (0)
